Illugi keypti sér raðhús og flytur úr íbúð Hauks

Illugi Gunn­ars­son mennta­mála­ráð­herra hefur keypt sér nýja íbúð í Ljósa­landi í Foss­vog­inum í Reykja­vík og hættir því að leigja íbúð­ina á Rán­ar­götu sem mikið hefur verið til umfjöll­unar í fjöl­miðlum á árinu þar sem hún er í eigu Hauks Harð­ar­sonar, stjórn­ar­for­manns Orku Energy. Illugi Gunn­ars­son vann sem kunn­ugt er sem ráð­gjafi  fyrir Orku Energy þegar hann var í leyfi frá þing­störfum árið 2011 vegna athug­unar sér­staks sak­sókn­ara á við­skiptum Sjóðs 9 hjá Glitni þar sem Illugi sat i stjórn. Kaup­sam­ing­urin um nýju íbúð­ina, sem er rúm­lega 160 fer­metrar að stærð, er dag­settur þann 16. des­em­ber og ný veð­skulda­bréf eru dag­sett sama dag.  Svo stutt er síðan Illugi gekk frá kaup­unum á íbúð­inni að ekki er enn hægt að skoða kaup­samn­ing­inn og veð­skulda­bréfin á vef­síðu Láns­trausts.