24. júní 2026 Þrír minni­hluta­hlut­haf­ar í Löx­um eign­ar­halds­fé­lagi, sem seldi helstu eign­ir sín­ar til lax­eld­isris­ans sem nú heit­ir Kald­vík ár­ið 2022, töp­uðu máli gegn norsk­um meiri­hluta­eig­anda fé­lags­ins og end­ur­skoð­enda­skrif­stof­unni Deloitte. Bentu hlut­haf­arn­ir með­al ann­ars á kaup Ís­fé­lags­ins og Jens Garð­ars Helga­son­ar máli sínu til stuðn­ings.

22. júní 2026 Keir Star­mer hef­ur til­kynnt af­sögn sína sem for­sæt­is­ráð­herra og formað­ur Verka­manna­flokks­ins. Gagn­rýn­end­ur segja hann hafa fros­ið á milli óend­an­legra val­mögu­leika í embætti.

22. júní 2026 Starfs­hóp­ur Reykja­vík­ur­borg­ar seg­ir það laga­lega flók­ið og kostn­að­ar­samt að bjóða upp á þjón­ustu við íbúa í hjól­hýs­um á Sæv­ar­höfða. Þá sé mögu­lega heppi­legra að einkafram­tak­ið taki við bolt­an­um.

19. júní 2026 Hag­fræð­ing­ar segja full­yrð­ing­ar Morg­un­blaðs­ins um að mat­arkarf­an sé 40 pró­sent ódýr­ari en í ESB ekki stand­ast skoð­un. Kaup­mátt­ur og verð­lag séu hvor sinn hlut­ur­inn og það geti ver­ið flók­ið að bera það sam­an milli landa.

17. júní 2026 Tekj­ur Car­bfix dróg­ust sam­an um rúm­an millj­arð á milli ára. Rekst­ur­inn stend­ur ekki und­ir launa­kostn­aði leng­ur.

16. júní 2026 Rík­ið hef­ur ákveð­ið að áfrýja úr­skurði Hér­aðs­dóms Reykja­vík­ur sem dæmdi rík­ið skaða­bóta­skylt vegna plast­barka­máls­ins.

14. júní 2026 Karl­ar með há­skóla­gráðu lifa tæp­lega fjór­um ár­um leng­ur en þeir sem eru með grunn­skóla­próf. Thor Asp­e­lund pró­fess­or seg­ir mennt­un sjálf­stæð­an þátt sem hef­ur áhrif á heilsu og lang­lífi. „Mennt­un sem slík ger­ir þig hæf­ari til þess að tak­ast á við vanda­mál.“

13. júní 2026 Enn eru starf­andi 80 starfs- og vinnu­hóp­ar hjá Reykja­vík­ur­borg af tæp­lega 200 sem voru stofn­að­ir á síð­asta kjör­tíma­bili. Einn hóp­ur hef­ur far­ið þrjú ár yf­ir skila­frest.

12. júní 2026 Vext­ir á nýj­um lán­um til fyr­ir­tækja eru 3,2–5,6 pró­sent í ríkj­um ESB en yf­ir 10 pró­sent á Ís­landi. Á síð­ast­liðn­um 10 ár­um hafa vext­ir á fyr­ir­tækjalán­um ver­ið 3–6 pró­sent­um hærri á Ís­landi en á evru­svæð­inu.

10. júní 2026 Stjórn­sýslu­út­tekt Rík­is­end­ur­skoð­anda dreg­ur fram djúp­stæð­an ágrein­ing um flug­völl­inn á milli borg­ar og rík­is. Borg­ar­stjóri vildi um­deilt bygg­ing­ar­land í stað­inn fyr­ir að fella tré í Öskju­hlið.

10. júní 2026 Um­hverf­is­ráð­herra sér eft­ir „mol­búa­legu“ svari um tengsl sín við nátt­úr­una, en spyr á móti hvort tengsl mann­eskj­unn­ar við ís­lenska nátt­úru sé ekki allskon­ar.

9. júní 2026 Um­hverf­is­ráð­herra seg­ir einn af sín­um eft­ir­læt­is­stöð­um í nátt­úru Ís­lands vera Laug­ar­ás í Laug­ar­ás­hverf­inu í Reykja­vík. Nátt­úru­vernd­arsinn­ar gagn­rýna ráð­herr­ann og segja hann úr tengsl­um við nátt­úr­una.

8. júní 2026 Starfs­manna­leiga sekt­aði raf­virkja fyr­ir brot á hús­regl­um og hækk­aði í kjöl­far­ið leig­una. Greiðsl­urn­ar voru dregn­ar af laun­um raf­virkj­ans. Kær­u­nefnd húsa­mála úr­skurð­aði raf­virkj­an­um í hag.

6. júní 2026 Á Al­þingi var hart tek­ist á um þjóð­ar­at­kvæða­greiðslu um að­ild­ar­við­ræð­ur að Evr­ópu­sam­band­inu. Þing­menn stjórn­ar­and­stöð­unn­ar lýstu ótta við að missa for­ræði yf­ir Ís­landi, teikn­uðu upp mynd af ytri ógn og ásælni annarra þjóða í auð­lind­irn­ar. Spurt var hvort Ís­lend­ing­ar myndu beygja sig und­ir her­skyldu, jafn­vel þótt evr­ópsk­ur her sé ekki til og Evr­ópu­sam­band­ið sé ekki hern­að­ar­banda­lag.

29. maí 2026 Inga Sæ­land er far­in í veik­inda­leyfi. Þetta er ann­ar ráð­herra Flokks fólks­ins, og ann­ars mennta- og barna­mála­ráð­herra, sem fer í þannig leyfi á kjör­tíma­bil­inu.

29. maí 2026 Sig­ríð­ur Á. And­er­sen, þing­flokks­formað­ur Mið­flokks­ins, gef­ur til kynna að flokk­ur­inn muni líta fram hjá nið­ur­stöðu þjóð­ar­at­kvæða­greiðslu um að­ild­ar­við­ræð­ur við Evr­ópu­sam­band­ið, kom­ist hann til valda.