23. júní 2021 Páll Ág­úst Ólafs­son, lög­mað­ur og tals­mað­ur Michele Ball­ar­in, sem keypti eign­ir þrota­bús WOW air ár­ið 2019 er orð­inn eig­andi helm­ings hluta­fjár í fé­lag­inu sem stend­ur að baki hinu nýja WOW. Fé­lag­ið er sagt hafa sótt um flugrekstr­ar­leyfi hjá Sam­göngu­stofu.

22. júní 2021 Rann­sókn yf­ir­valda á lög­brot­um Eim­skips er enn í gangi jafn­vel þó að fyr­ir­tæk­ið hafi gert sátt við Sam­keppnis­eft­ir­lit­ið. Mál starfs­manna fyr­ir­tæk­is­ins hef­ur ver­ið á borði hér­aðssak­sókn­ara og fyr­ir­renn­ara síð­an ár­ið 2014. Sam­skip svar­ar engu um sína hlið máls­ins.

22. júní 2021 Sam­herji og Þor­steinn Már Bald­vins­son for­stjóri út­gerð­ar­inn­ar biðj­ast af­sök­un­ar á starf­semi fé­lags­ins í Namib­íu. Þetta ger­ir fé­lag­ið í yf­ir­lýs­ingu á vef sín­um sem aug­lýst er í Morg­un­blað­inu og Frétta­blað­inu í dag. Full­yrt er að eng­inn starfs­mað­ur nema upp­ljóstr­ar­inn Jó­hann­es Stef­áns­son hafi fram­ið refsi­verð brot og að tengda­son­ur sjáv­ar­út­vegs­ráð­herra Namib­íu hafi veitt raun­veru­lega ráð­gjöf.

21. júní 2021 Nú er skipu­lögð fjölda­bólu­setn­ing á loka­metr­un­um en þeg­ar hafa rúm­lega 80 pró­sent þeirra sem til stend­ur að bólu­setja feng­ið að minnsta kosti einn skammt. Flest­ir eru full­bólu­sett­ir. Í vik­unni verða síð­ustu ár­gang­arn­ir úr bólu­setn­ing­ar­lottó­inu boð­að­ir í höll­ina.

18. júní 2021 Eim­skip greiða 1,5 millj­arða í sátt vegna ólög­legs sam­ráðs við Sam­skip. Í sátt­inni, sem gerð er við Sam­keppnis­eft­ir­lit­ið, við­ur­kenna stjórn­end­ur fé­lags­ins að gögn­um hafi ver­ið hald­ið frá rann­sak­end­um. Tvö ár eru síð­an stjórn­ar­formað­ur Eim­skips sagði rann­sókn­ina ólög­lega.

18. júní 2021 Á Bessa­stöð­um búa þrjár fjöl­skyld­ur; for­seta Ís­lands og tveggja starfs­manna embætt­is­ins. Und­an­far­ið ár hef­ur sam­búð­in ver­ið erf­ið. Ann­ar þess­ara starfs­manna og eig­in­kona hans íhuga að kæra hinn starfs­mann­inn til lög­regl­unn­ar fyr­ir kyn­ferð­is­lega áreitni, sam­kvæmt upp­lýs­ing­um Stund­ar­inn­ar.

15. júní 2021 Ut­an­rík­is­ráðu­neyti Banda­ríkj­anna hef­ur bann­að Bern­h­ard Es­au, fyrr­ver­andi sjáv­ar­út­vegs­ráð­herra Namib­íu, og Sacky Shang­hala, fyrr­ver­andi dóms­mála­ráð­herra Namib­íu, að ferð­ast til lands­ins. Ástæð­an er þátt­taka þeirra í spill­ingu. Þeir sitja í varð­haldi vegna við­skipta sinna við Sam­herja.

15. júní 2021 Lilja Dögg Al­freðs­dótt­ir mennta­mála­ráð­herra er kom­in í tíma­bund­ið veik­inda­leyfi. Sig­urð­ur Ingi Jó­hanns­son sam­göngu­ráð­herra er tek­inn við starfs­skyld­um henn­ar.

15. júní 2021 Þórólf­ur Guðna­son sótt­varna­lækn­ir seg­ir ekki hægt að segja til um hvort hjarð­ónæmi hafi mynd­ast í sam­fé­lag­inu eða ekki. „Það veit eng­inn ná­kvæm­lega hvaða tala það er, enda er hjarð­ónæmi ekki þannig að það sé ann­að­hvort eða. Það ger­ist hægt og bít­andi,“ seg­ir hann. Það gangi þó vel að bólu­setja.

14. júní 2021 72,8 pró­sent lands­manna yf­ir 16 ára aldri hafa ver­ið bólu­sett með að minnsta kosti ein­um skammti. Þrett­án ár­gang­ar verða bólu­sett­ir í þess­ari viku. Í vik­unni fær tölu­verð­ur hóp­ur seinni bólu­setn­ingu af Pfizer og Moderna bólu­efni og mun því fjölga í hópi full­bólu­settra.

11. júní 2021 Bólu­setn­ing gegn Covid-19 hef­ur or­sak­að al­var­leg veik­indi í einu til­viki hér á landi. Þá er ekki hægt að úti­loka að bólu­setn­ing hafi orð­ið öðr­um ald­ur­tila. Þetta sýna nið­ur­stöð­ur rann­sókn­ar á veg­um Lyfja­stofn­un­ar.

10. júní 2021 Fram­kvæmda­stjóri Orku­söl­unn­ar, Magnús Kristjáns­son, svar­ar eng­um spurn­ing­um um hvað stjórn­end­ur vissu um tengsl ný­ráð­ins fjár­mála­stjóra við Sam­herja og Namib­íu­mál­ið. Til að mynda ekki því hvort stjórn­end­ur hafi vit­að af því að namib­íska lög­regl­an hafi grun­að fjár­mála­stjór­ann um lög­brot.

7. júní 2021 Elísa­bet Ýr Sveins­dótt­ir kom að milli­færsl­um Sam­herja­fé­laga á Kýp­ur inn á leyni­reikn­ing James Hatuikulipi, fyrr­ver­andi stjórn­ar­for­manns Fis­hcor, í Dúbaí. Til­kynnt var í dag um ráðn­ingu henn­ar í starf fjár­mála­stjóra Orku­söl­unn­ar, sem er að fullu í eigu ís­lenska rík­is­ins.

4. júní 2021 Reikni­stofa líf­eyr­is­sjóða hafa sagt upp samn­ingi við hug­bún­að­ar­fyr­ir­tæk­ið Init um rekst­ur og þró­un á tölvu­kerf­inu Jóakim, sem er lífæð­in í rekstri fjölda sjóða. Eig­end­ur fyr­ir­tæk­is­ins höfðu selt því eig­in þjón­ustu á sama tíma og þeir þáðu laun.

3. júní 2021 Ma­rek Moszczynski var í dag sýkn­að­ur af refsi­kröfu í Hér­aðs­dómi Reykja­vík­ur fyr­ir að hafa or­sak­að mann­skæð­an bruna á Bræðra­borg­ar­stíg í Reykja­vík 25. júní á síð­asta ári. Hann var met­inn ósakhæf­ur og gert að sæta ör­yggis­vist­un.

3. júní 2021 „Það þarf að loka net­fang­inu hans og end­urstilla lyk­il­orð­ið á drop­box reikn­ingn­um til að læsa hann úti af því,“ sagði Ingvar Júlí­us­son, fjár­mála­stjóri Sam­herja á Kýp­ur, í skila­boð­um til Örnu McClure, inn­an­hús­lög­fræð­ings út­gerð­ar­inn­ar, og Að­al­steins Helga­son­ar lyk­il­starfs­manns. Jón Ótt­ar Ólafs­son rek­ur ná­kvæm­lega hvernig hann braust inn á Drop­box upp­ljóstr­ar­ans í Namib­íu­mál­inu í yf­ir­lýs­ingu sinni til dóm­stóla.