10. desember 2021 Félag Þor­steins Más Bald­vins­sonar og Helgu S. Guð­munds­dóttur, fyrr­ver­andi eig­in­konu hans, seldi hluta­bréf sín í útgerð­ar­fé­lag­inu Samherja til barna þeirra. Félagið á í dag tug­millj­arða eignir og heldur meðal ann­ars utan um eign­ar­halds­fé­lög sem áttu starf­semi Samherja í Namibíu.

9. desember 2021 Eignir fyr­ir­tæk­is­ins HD verks sem átti húsið að Bræðra­borg­ar­stíg sem brann sum­arið 2020 með þeim afleið­ingum að þrír lét­ust og tveir slös­uð­ust alvar­lega verða kyrr­settar. Hæsti­réttur stað­festi í dag úrskurð Lands­réttar um kyrr­setn­ingu eign­anna.

9. desember 2021 Svandís Svav­ars­dóttir, sjáv­ar­út­vegs- og land­bún­að­ar­ráð­herra, ætlar að fá full­trúa Sið­fræði­stofn­unar og Mat­væla­stofn­unar til að skoða ýmsa anga blóð­mera­halds á Íslandi. Bann við slíkri starf­semi er til umræðu í þing­inu. Fram­kvæmda­stjóri Ísteka er ósáttur og segir grein­ar­gerð frum­varps ekki svara­verða.

8. desember 2021 Fyr­ir­tækið segir að á mynd­bandi sem sviss­nesk dýra­vernd­ar­sam­tök birtu sjá­ist fæmi um ólíð­andi með­ferð hrossa. Slíkt verði ekki liðið og samn­ingum við þá bændur sem um er að ræða hafi verið rift.

8. desember 2021 Lands­sam­tökin Geðhjálp segja í umsögn að fjár­laga­frum­varp næsta árs telj­ist von­brigði. Þeir fjár­munir sem ætl­aðir séu mála­flokknum séu langt því frá full­nægj­andi.

7. desember 2021 Í skýrslu vegna kyn­ferð­is­of­beld­is­mála sem tengst hafa leik­mönnum í karla­lands­liðum Íslands er birt bréf frá fyrr­ver­andi vin­konu tveggja lands­liðs­manna í fót­bolta, þar sem hún biður konu afsök­unar á að hafa ekki staðið með henni á sínum tíma en þegar frétt­ist að hún ætl­aði að kæra hafi vina­hópur lands­liðs­mann­anna farið á fullt að reyna að koma í veg fyrir það til að verja mann­orð þeirra. Tengda­móðir brota­þola vinnur hjá KSÍ og sendi stjórn og starfs­fólki bréfið ásamt lýs­ingu tengda­dóttur sinnar á atburð­inum fyrir ell­efu árum.

7. desember 2021 Guðni Bergson, fyrr­ver­andi for­maður KSÍ, veitti vill­andi upp­lýs­ingar um vit­neskju sam­bands­ins um kyn­ferð­is­brot að mati úttekt­ar­nefndar. Geir Þor­steins­son, fyrr­ver­andi for­maður, er einnig gagn­rýndur.

7. desember 2021 Yfir fjórð­ungur ungs fólks lýsti því að það fyndi oft eða mjög oft til ein­mana­leika í síð­asta mán­uði. Konur eru mun oftar ein­mana en karlar. Ein­mana­leiki jókst ekki hjá öldruðum í heims­far­aldr­inum, þvert á það sem margir ótt­uð­ust. Sviðs­stjóri hjá land­lækn­is­emb­ætt­inu segir um nýtt heilsu­far­s­vanda­mál að ræða.

6. desember 2021 Í vor sendu tvö fag­fé­lög lækna, Félag almennra lækna og Félag sjúkra­hús­lækna, frá sér ályktun sem hvatti stjórn­endur spít­al­ans til þess að end­ur­skoða verk­lag sitt er varðar kyn­ferð­is­lega áreitni, kyn­bundið áreiti og ofbeldi á Land­spít­al­anum. Hvorugt félagið fékk svar við álykt­un­inni.

5. desember 2021 Í meira en hálfa öld hefur Valdi safnað föllnum hjól­koppum, gert við þá og sellt þá til end­ur­nýt­ingar. Hann heldur ótrauður áfram, þrátt fyrir kreppu í brans­anum og þótt hann hafi ekki fengið neina Covid-styrki. Valdi og bróðir hans lýsa líf­inu í „jað­ar­sam­fé­lag­inu“ við mörk Reykja­víkur, sem nú er að ganga í end­ur­nýjun líf­daga.

3. desember 2021 Eftirlit sem styðst við gervi­greind er veru­leiki á Íslandi í dag en slík tækni getur flokkað fólk eftir útlitsein­kennum. Per­sónu­vernd­ar­stofn­anir í Evrópu hafa kallað eftir því að slíkt verði bannað. Á Íslandi virð­ist gervi­greind­ar­eft­ir­lit aðal­lega notað fyrir aðgangs­stýr­ingu og hraða­eft­ir­lit en mögu­leik­arnir eru miklir.

2. desember 2021 Rannsókn á máli Arons Einars Gunn­ars­sonar og Eggerts Gunnþórs Jóns­sonar, sem voru kærðir fyrir að hafa brotið á konu í Kaup­manna­höfn fyrir 11 árum, miðar vel að sögn yfir­manns kyn­ferð­is­brota­deildar lög­regl­unnar. Aron Einar og Eggert Gunnþór reikna með að málið verði fellt niður.

2. desember 2021 Þingmenn Sam­fylk­ing­ar­innar hafa lagt fram frum­varp sem myndi banna ráð­herraum að veita til­fallandi styrki og fram­lög síð­ustu átta vik­urnar fyrir alþing­is­kosn­ingar.

2. desember 2021 Líkur eru taldar á að eitt af því sem veldur nú miklu álagi á bráða­mót­töku Land­spít­ala sé að fólk hafi forð­ast að leita sér lækn­inga við ýmsum kvillum vegna Covid-far­ald­urs­ins. Mikil fækkun á komum eldra fólks á bráða­mót­töku á síð­asta ári rennir stoðum undir þá kenn­ingu.

1. desember 2021 Guð­laugur Þór Þórð­ar­son, þing­maður Sjálf­stæð­is­flokks­ins og nýr umhverf­is­ráð­herra, seg­ist hafa sóst eftir því sér­stak­lega að fá að taka við ráðu­neyti umhverfis- og lofts­lags­mála þegar fyrir lá hvaða ráðu­neyti Sjálf­stæð­is­flokk­ur­inn myndi fá. Hann seg­ist ekki hafa sóst sér­stak­lega eftir því að verða utan­rík­is­ráð­herra áfram.