2. apríl 2022 Full­trúar mann­rétt­inda­sam­taka innan og utan Namibíu kröfð­ust þess að Samherji bætti þann skaða sem spill­ing­ar­málið í Namibíu hefur valdið. Geri fyr­ir­tækið það ekki sjálft ætti að þrýsta á hags­muna­að­ila sem stunda við­skipti.

1. apríl 2022 Í lög­fræði­á­liti Odds Ást­ráðs­sonar fyrir stjórn Eflingar kemur fram að Viðar Þor­steins­son, fyrr­ver­andi fram­kvæmda­stjóri félags­ins, hafði ekki heim­ild til að stofna til við­skipta við Andra Sig­urðs­son fyrir hönd félags­ins árið 2019.

1. apríl 2022 Flest bendir til að hlut­haf­alisti Íslands­banka verði ekki birtur eftir opin­berum leiðum. Íslands­banki segir að birt­ing list­ans brjóti gegn lögum. Þar af leið­andi mun hið opin­bera ekki vera milli­liður í því að greint verði frá því hvaða aðilar keyptu hluta­bréf í Íslands­banka í síð­ustu viku. Útboðið hefur verið harð­lega gagn­rýnt, meðal ann­ars af Kristrúnu Frosta­dóttur, þing­konu Sam­fylk­ing­ar­innar. Banka­sýsla Íslands birti skýrslu um útboðið í morgun þar sem fram kemur að 140 óþekktir einka­fjár­festar hafi keypt 30 pró­sent bréf­anna í útboð­inu.

1. apríl 2022 Þórdís Kolbrún Reyk­fjörð Gylfa­dóttir utan­rík­is­ráð­herra verður til svara fyrir Stjórn­skip­unar- og eft­ir­lits­nefnd alþingis í dag. Þar svarar ráð­herr­ann fyrir sam­skipti Íslands og ESB vegna kjör­ræð­is­manns Íslands í Hvíta-Rúss­landi.

31. mars 2022 Fram­hjá­rennsli Kára­hnjúka­virkj­unar á síð­asta ári nam 1,6 tera­vatts­stund og hefði fram­leiðslan þar getað nýst til að stoppa upp í orkugatið sem mynd­að­ist þegar orku­skorts varð vart. Fimm pró­senta fram­leiðsla þess­arar stærstu virkj­unar Íslands­sög­unnar fer inn á byggða­lín­una.

31. mars 2022 Bjarni Bene­dikts­son fjár­mála­ráð­herra vill að Íslands­banki birti allan hlut­haf­alista bank­ans ef lög heim­ila það. Þetta sagði Bjarni í þing­ræðu um útboð rík­is­ins á hluta­bréfum í Íslands­banka í gær. Útboð rík­is­ins á 22,5 pró­senta hlut í bank­anum á afslátt­ar­verði hefur verið gagn­rýnt úr ýmsum áttum, meðal ann­ars af með­limum úr stjórn­ar­and­stöð­unni. Íslands­banki seg­ist ekki mega afhenda hlut­haf­alist­ann til opin­berrar birt­ingar.

31. mars 2022 Kristrún Frosta­dóttir, þing­kona Sam­fylk­ing­ar­innar, spyr að því hvaða litlu aðilar það voru sem fengu að kaupa hluta­bréf í Íslands­banka í nýaf­stöðnu hluta­fjár­út­boði bank­ans. Öfugt við útboðið sem fór fram á bréfum Íslands­banka síð­ast­liðið sumar, þar sem allir gátu keypt fyrir ákveðna upp­hæð, voru 430 fjár­festar valdir til að taka þátt í þessu útboði.

30. mars 2022 Ung kona sem er á bata­vegi eftir að hafa verið háð ópíóðum segir algeng­ara en fólk heldur að giftir menn sem ekki séu í neyslu kaupi vændi af ungum konum í ópíóða­neyslu og nýti sér þannig neyð þeirra. Hún segir hræði­legt að fylgj­ast með því hvað þeir hafi mikil völd yfir konum í afar við­kvæmri stöðu sem sam­fé­lagið vilji helst ekki vita af.

30. mars 2022 Hags­muna­gæsla fólks sem hingað kemur í leit að alþjóð­legri vernd verður frá og með byrjun maí hjá ein­stökum lög­fræð­ingum en ekki Rauða kross­inum eins og verið hefur. Útlend­inga­stofnun hefur aug­lýst eftir umsóknum.

29. mars 2022 Norska lög­reglan rann­sakar brott­nám á þremur börnum frá íslenskum föður. Flest bendir til þess að aðgerðin hafi verið þaul­skipu­lögð. „Þeir vilja vera á Íslandi,“ segir konan.

28. mars 2022 Forsætis- og utan­rík­is­ráðu­neytið segir að afstaða rík­is­stjórnar Íslands til þátt­töku Íslands í starfi Norð­ur­skauta­ráðs liggja fyrir. Ráðu­neytin segja að rök­semdir gegn því að sex af sjö þjóðum í ráð­inu leggi niður vinnu í því vegna stríðs­ins í Úkraínu breyti engu þar um. Ólafur Ragnar Grímsson, fyrr­ver­andi for­seti Íslands, lýsti slíkum sjón­ar­miðum nýlega í við­tali þó hann segi að ekki sé um að ræða sínar per­sónu­legu skoð­anir.

26. mars 2022 Jón Dan­í­els­son, pró­fessor í hag­fræði, segir að búast megi við að vextir snar­hækki vegna stríðs­ins í Úkraínu. Sigríður Bene­dikts­dóttir, sem kennir hag­fræði í Yale-háskóla, segir að hækkun vaxta muni leggj­ast harð­ast á ungar barna­fjöl­skyldur. Enginn fari var­hluta af hækkun vöru­verðs en það verði erf­ið­ast fyrir lág­tekju­fólk.

25. mars 2022 Edda Falak, stjórn­andi hlað­varps­þátt­anna Eigin Konur seg­ist hafa orðið magn­þrota af hræðslu þegar barið var ítrekað á úti­hurð­ina heima hjá henni og dyra­bjöll­unni hringt margoft að kvöldi til. Sama dag hafi hún greint opin­ber­lega frá líf­láts­hót­unum. Nú taki hún slíkum hót­unum alvar­lega. Edda segir frá þessu í hlað­varps­þætti sínum og spilar upp­töku af sam­skiptum sínum við lög­regl­una.

25. mars 2022 Hæsti­réttur hefur vísað frá kæru Aðal­steins Kjart­ans­sonar á hendur lög­reglu á Norð­ur­landi eystra. Telur Hæsti­réttur að Aðal­steini hafi ekki verið heim­ilt að áfrýja nið­ur­stöðu Lands­réttar. Lögmaður Aðal­steins segir koma til greina að vísa mál­inu til Mann­rétt­inda­dóm­stóls Evrópu.

25. mars 2022 Fer ekki vel á því að fjöl­mið­ill sé aðili að hags­muna­sam­tökum sem fjalla þarf um í fréttum, segir Jón Þórisson fram­kvæmda­stjóri Torgs. Torg gefur út Frétta­blaðið og Mark­að­inn, auk þess að reka DV og Hring­braut.

25. mars 2022 Stundin hlýtur þrjár af tólf til­nefn­ingum til blaða­manna­verð­launa í ár. Freyr Rögn­valds­son og Margrét Mart­eins­dóttir eru til­nefnd fyrir umfjöllun árs­ins og Ingi Freyr Vil­hjálms­son fyrir við­tal árs­ins, en Aðal­steinn Kjart­ans­son er til­nefndur sem blaða­maður árs­ins, meðal ann­ars fyrir umfjöllun sem lög­reglan á Norð­ur­landi eystra gerði að til­efni til að veita honum og fleiri blaða­mönnum stöðu sak­born­ings.