16. janúar 2024 Tóm­as Brynj­ólfs­son er tíma­bund­inn arftaki Guð­mund­ar Árna­son í starfi ráðu­neyt­is­stjóra fjár­mála­ráðu­neyt­is­ins. Var hann áð­ur skrif­stofu­stjóri á skrif­stofu efna­hags­mála. Senn verð­ur aug­lýst eft­ir nýj­um ráðu­neyt­is­stjóra.

16. janúar 2024 Eng­in sjá­an­leg virkni er í gossprung­un­um við Grinda­vík. Áfram er tal­in mik­il hætta á svæð­inu og er of snemmt að lýsa yf­ir gos­lok­um. Sprung­ur halda áfram að koma í ljós inn­an Grinda­vík­ur.

16. janúar 2024 Frederik W. Mow­inckel, ætt­ingi stofn­anda norska lax­eld­is­fyr­ir­tæk­is­ins Mowi, sendi inn um­sögn um frum­varp matæla­ráð­herra um lagar­eldi. Mowi er stærsti eig­andi Arctic Fish á Ísa­firði. Mow­inckel-fjöl­skyld­an er ósátt við að nafn þeirra sé not­að á fyr­ir­tæk­ið vegna þess að hún er á móti lax­eldi í opn­um sjókví­um.

15. janúar 2024 Jón Ax­el Ólafs­son, út­varps­mað­ur hjá K100, seg­ir að í færslu sem hann birti á Face­book-síðu sinni að vegna vanda Grind­vík­inga sé rétt­ast að „snúa við fólki á landa­mær­un­um“.

15. janúar 2024 Veð­ur­stof­an var­ar við því að nýj­ar sprung­ur og gosop mynd­ist í eða við Grinda­vík. Þor­vald­ur Þórð­ar­son eld­fjalla­fræð­ing­ur seg­ir í sam­tali við Heim­ild­ina að mið­að við þró­un goss­ins sé ólík­legt að fleiri gosop opn­ist á næst­unni. Hann tel­ur senni­legra að gos­inu muni brátt ljúka, í bili.

15. janúar 2024 Mynd­skeið sýn­ir hvernig hraun­straum­ur­inn sveigði fram hjá byggð­inni, fyr­ir ut­an tvö hús sem brunnu og eitt sem varð und­ir. Var­að er við því að ný gosop geti mynd­ast inni í byggð­inni.

15. janúar 2024 Katrín Jak­obs­dótt­ir for­sæt­is­ráð­herra seg­ir að til standi að fram­lengja þau stuðn­ingsúr­ræði fyr­ir Grinda­vík sem hafa ver­ið í gildi frá í nóv­em­ber. Horft verð­ur til þess að út­vega lang­tíma­hús­næði fyr­ir íbú­ana. Bygg­ingu varn­ar­garða verð­ur einnig hald­ið áfram.

15. janúar 2024 Þór­dís Kol­brún Reyk­fjörð Gylfa­dótt­ir, fjár­mála- og efna­hags­ráð­herra, seg­ir að nýj­ustu at­burð­ir í Grinda­vík muni verða högg, bæði fyr­ir rík­is­sjóð og íbúa Grinda­vík­ur. Kostn­að­ur ligg­ur þó ekki fyr­ir. „Það er hægt að segja að það séu mis­mun­andi sviðs­mynd­ir en það fer bara al­gjör­lega eft­ir því hvaða ákvarð­an­ir eru tekn­ar.“

15. janúar 2024 Glugg­ar voru brotn­ir á hót­eli og gerð til­raun til íkveikju í hús­næði Sverr­is Ein­ars Ei­ríks­son­ar í Skip­holti í gær­morg­un. Hann seg­ist hafa ráð­ið ör­ygg­is­fyr­ir­tæki til að finna brennu­varg­ana, sem séu hluti stráka­geng­is.

15. janúar 2024 Frá efna­hags­hrun­inu 2008 hafa sjö ráð­herr­ar gerst brot­leg­ir við lög í embætti. Svandís Svavars­dótt­ir hef­ur gerst brot­leg tvisvar sinn­um – bæði ár­in 2023 og 2010. Al­geng­ast er að ráð­herr­ar hafi brot­ið í bága við jafn­rétt­is­lög. Tvær af­sagn­ir hafa orð­ið í kjöl­far lög­brota ráð­herra.

15. janúar 2024 Hin „for­dæma­lausa fram­kvæmd“ við end­ur­bygg­ingu höf­uð­stöðva Orku­veitu Reykja­vík­ur hef­ur þeg­ar kostað yf­ir tvo millj­arða króna. Eng­in starf­semi hef­ur ver­ið í vest­ur­bygg­ing­unni frá ár­inu 2017 og nú eru að hefjast fram­kvæmd­ir inn­an­dyra sem áætl­að er að kosti um 1,3 millj­arða króna.

15. janúar 2024 Mikl­ar skemmd­ir eru á inn­við­um í Grinda­vík og hraun­rennsli úr sprungu við bæj­ar­mörk­in tók þrjú hús. Ekki er að sjá að fleiri hús hafi orð­ið hraun­inu að bráð og svo virð­ist sem að það gjósi ekki leng­ur úr sprung­unni rétt ut­an við göt­una Efra­hóp.

14. janúar 2024 Rauði kross­inn á Ís­landi hef­ur haf­ið söfn­un fyr­ir Grind­vík­inga. Hann seg­ist vita til þess að „fjöl­marg­ir að­il­ar, bæði inn­lend­ir og er­lend­ir, hafi mikla sam­úð með þeim ham­förum sem Grind­vík­ing­ar standa nú frammi fyr­ir og vilji leggja sitt af mörk­um til að styðja bæj­ar­búa“.

14. janúar 2024 For­sæt­is­ráð­herra seg­ir að hug­ur og bæn­ir þjóð­ar­inn­ar væru hjá Grind­vík­ing­um í dag. Á krefj­andi stund­um komi bestu hlið­ar ís­lensks sam­fé­lags þó iðu­lega í ljós. Frek­ari að­gerð­ir til að tryggja hús­næði og af­komu fyr­ir Grind­vík­inga verða kynnt­ar á morg­un og vinnu vegna upp­gjörs á tjóni verð­ur flýtt. Þá verða kynnt­ar að­gerð­ir til stuðn­ings fyr­ir­tækj­um eft­ir rík­is­stjórn­ar­fund á morg­un.

14. janúar 2024 Yf­ir­dýra­lækn­ir á Mat­væla­stofn­un seg­ir heim­ild­ir fyr­ir því að rúm­lega 200 fjár séu í og við Grinda­vík. Vit­að er til þess að fólk hafi flutt dýr sín aft­ur á svæð­ið, þvert á til­mæli Mat­væla­stofn­un­ar. MAST hef­ur ver­ið í sam­bandi við vett­vangs­stjórn og ósk­að eft­ir því að mögu­leiki verði til að fjar­lægja dýr­in eins skjótt og hægt er.

14. janúar 2024 Söfn­un und­ir­skrifta er haf­in þar sem skor­að er á rík­ið að beita sér fyr­ir því að borga út eign­ir Grind­vík­inga sem ætla sér ekki að flytja aft­ur í bæ­inn. Alls hafa 333 skrif­að und­ir list­ann þeg­ar þessi frétt er skrif­uð. Fast­eigna­mat eigna í Grinda­vík var 92,4 millj­arð­ar króna á síð­asta ári.