Davíð Arnar Oddgeirsson var staddur í vinnuferð erlendis þegar öll völd voru rifin af honum eitt kvöldið, er hann lenti í klóm manns sem eitraði fyrir honum og misnotaði hann kynferðislega. Davíð segir frá því hvernig hann lifði af ofbeldið sem hann sætti og tókst með hugrekki að umbreyta sársauka yfir í tilgang, ást og að lokum sátt. „Fyrirgefningin er gríðarlega öflugt tól og hugrekki er lykillinn að því, þú fyrirgefur einungis fyrir sjálfan þig. Þú gerir það til þess að öðlast hugarró, og að mínu mati er ekkert eftirsóknarverðara í þessu lífi en einmitt það,“ segir Davíð Arnar Oddgeirsson. 

Hann er viðskiptafræðingur og sjálflærður kvikmyndagerðamaður, afkastamikill á sínu sviði og hefur vakið mikla eftirtekt á samfélagsmiðlum fyrir persónulegar og einlæga nálgun í verkum sínum. Þá stofnaði hann einnig snjóbrettaskóla, þar sem hann bæði sá um kennslu og rekstur á um sjö ára tímabili. Hann er sonur og bróðir tveggja, …