Báturinn skar hafflötinn á Nuuk-firði á 30 sjómílna hraða. Sjórinn var spegilsléttur og þokan lá yfir eins og teppi. Útsýni til fjalla var ekkert. 

LeiðsögumaðurinnMiiti Geisler gjörþekkir Nuukfjörð og lýsti fyrir gestunum því sem fyrir augu bar.

Mynd: Reynir Traustason

„Það birtir þegar við komum innar í fjörðinn,“ fullyrti Miiti Geisler, verslanaeigandi og maraþonhlaupari í Nuuk, og upplýsti að innst í firðinum væri gjarnan blíðuveður, bæði bjart og hlýtt. Hún átti sumarhús í þorpinu Kapisillit og dvaldi þar þegar hún vildi komast í ró og næði frá hraðanum og nútímanum í Nuuk.

Við vorum átta saman á ferð á vegum Ferðafélags Íslands að aðstoða Grænlendinga við að stofna Ferðafélag Grænlands. Hugmyndin hafði orðið til þegar Inga Dóra Guðmundsdóttir bjó á Íslandi og tók þátt í fjallaverkefninu Fyrsta skrefinu með mér. Inga Dóra er Íslendingur í aðra ættina en Grænlendingur í hina. Móðir hennar er Benedikte Thorsteinsson, fyrrverandi félagsmálaráðherra á …