Lög­reglan á höf­uð­borg­ar­svæð­inu finnur ekki leyfi Hvals hf. fyrir fjórum skut­ul­byssum sem hafa verið not­aðar við lang­reyð­ar­veiðar við Íslands­strendur. Ekkert eft­ir­lit virð­ist vera með vopn­unum. Þetta kemur fram í Frétta­blað­inu í dag.

Hval­veiðar Hvals hf. eru nú til rann­sóknar hjá lög­regl­unni á Vest­ur­landi. Kærði félagið Jarð­vinir vegna veiða Hvals á blend­ings­hval í sumar. Var óskað eftir gögnum um eft­ir­lit og leyfi fyr­ir­tæk­is­ins fyrir skut­ul­byssum Hvals, 90mm Kongs­bert-skut­ul­byssum sem sér­hann­aðar eru til hval­veiða.

Svo virð­ist sem ekk­ert eft­ir­lit sé með vopn­unum. Leyfi fyrir þeim finnst ekki á papp­írs­formi hjá lög­regl­unni á höf­uð­borg­ar­svæð­inu, en skip fyr­ir­tæk­is­ins komu til lands­ins á árunum 1964 og 1965. Vopnin hafi því nú verið skráð í raf­ræna skot­vopna­skrá Rík­is­lög­reglu­stjóra.

Þá segja hvorki Vinnu­eft­ir­litið né Sam­göngu­stofa að eft­ir­lit með vopn­unum sé á þeirra könnu. Vinnu­eft­ir­litið hefur þó eft­ir­lit með sprengi­hleðsl­unum sem í byss­urnar fara, þar sem þær falla undir reglu­gerðir um með­höndlun sprengi­efna.