Tíu ár eru í dag frá því að Geir H. Haarde, þá for­sæt­is­ráð­herra, bað guð að blessa Ísland í sjón­varps­ávarpi til íslensku þjóð­ar­innar. Tilefnið var setn­ing neyð­ar­laga sem veittu íslenska rík­inu víð­tækar heim­ildir til inn­gripa á fjár­mála­mörk­uðum til að „gæta hags­muna íslensku þjóð­ar­innar í hví­vetna, koma í veg fyrir að þjóðin verði á skulda­klafa næstu ára­tug­ina og bjarga því sem bjargað verður miðað við núver­andi aðstæður,“ eins og Geir sagði 6. októ­ber 2008. Skömmu áður, 29. sept­em­ber, hafði íslenska ríkið tekið Glitni banka yfir og dag­inn eftir, 7. októ­ber, tók Fjár­mála­eft­ir­litið rekstur Lands­bank­ans yfir. Fjár­mála­eft­ir­litið gerði slíkt hið sama við Kaupþing 9. októ­ber. Þessir dagar eru það sem í dag­legu tali er kallað banka­hrunið eða hrunið.

Áratugur er lið­inn og eft­ir­mál hruns­ins eru hvergi nærri komin fram. Fjöldi fólks missti eignir sínar, fyr­ir­tæki urðu gjald­þrota, þjóð­ar­búið fékk veru­legt högg og næstu ár fóru í að vinna sig út úr …