ÖrlagavaldurinnGunnhildur sá mynd af apastelpunni Kumquat sem vakti með henni djúpa löngun til að ferðast til Afríku.

Mynd: Chris Young

Alveg síðan Gunnhildur Hauksdóttir lá yfir dýralífsmyndum sem barn hafði hana dreymt um að fara til Afríku. Það var því draumur sem rættist, þegar henni bauðst nýverið að heimsækja verndarsvæði í Suður-Afríku þar sem hún fékk að fylgja dýraatferlisfræðingum eftir meðan þeir skrásettu ferðir og hegðun apa úti í villtri náttúrunni. Gunnhildur hafði kynnst dýraatferlisfræðingnum Louise Barret í Háskólanum í Lethbridge í Kanada, fyrir milligöngu galleríista Háskólans. Louise, ásamt manni sínum, apafræðingnum Peter Henzi rekur rannsóknarstofu á vettvangi í Eastern Cape í Suður-Afríku, þar sem Vervet-apakettir eru til athugunar. „Ég fékk að fylgja vettvangsfólkinu og reyndi að þvælast ekki fyrir því. Það var lagt af stað klukkan fimm á morgnana. Þá var farið á svefnstað apanna og beðið eftir að þeir vöknuðu. Síðan var þeim fylgt eftir úr fjarlægð …