Þorgerður Katrín Gunnarsdóttir utanríkisráðherra telur að það muni taka tvö ár að klára aðildarviðræður við Evrópusambandið samþykki kjósendur í þjóðaratkvæðagreiðslu 29. ágúst að halda áfram viðræðum. Hún segist vongóð um góða niðurstöðu í samningi við ESB um sjávarútvegsmál, engar áhyggjur hafa af orkumálunum og telur að mikil tækifæri felist í landbúnaðarkaflanum. Allt tal um framsal auðlinda við inngöngu í ESB sé „kjaftæði“.

Ráðherra var stödd í Hamborg þegar Heimildin ræddi við hana um fyrirhugaða þjóðaratkvæðagreiðslu sem ríkisstjórnin hefur boðað. Skömmu áður fundaði hún með kollegum sínum í Lissabon og fyrr í mánuðinum var hún í Brussel með Mörtu Kos, stækkunarstjóra ESB, og Kaju Kallas, varaforseta framkvæmdastjórnar ESB, þar sem þær undirrituðu samstarfsyfirlýsingu Íslands og ESB í varnar- og öryggismálum.

Stjórnarandstaðan hefur sakað Þorgerði Katrínu um að vera þannig byrjaða í aðildarviðræðum við ESB áður en tillaga um þjóðaratkvæðagreiðslu er einu sinni komin í gegnum Alþingi. „Það eru engar viðræður farnar …