Peningaþvætti gegnir lykilhlutverki í starfsemi skipulagðra bortahópa og er forsenda þess að hægt sé að nota hagnað af ólöglegri starfsemi óáreitt. Í nýrri skýrslu sem unnin er af greiningardeild embættis ríkislögreglustjóra segir að skipulagðir brotahópar beiti sífellt flóknari og fágaðri aðferðum til þess að þvætta hagnað af brotastarfsemi sinni.
Hvað er peningaþvætti?
Peningaþvætti felur í sér að fela uppruna illa fengins fjár, hvort sem það eru tekjur af fíkniefnasölu, netvsikum eða öðrum brotum. Lögreglan segir að peningaþvætti megi skipta upp í þrjú skref:
-
Illa fengnum peningum er komið fyrir í fjármálakerfinu
-
Peningarnir fluttir um fjármálakerfið til að fela uppruna þeirra
-
Peningarnir notaðir eins og þeirra hafi verið aflað löglega
Lögreglan vitnar í nýlega skýrslu aljóðalögreglunnar Europol, sem segir að 86 prósent af hættulegustu skipulögðu brotasamtökum í Evrópu nýti lögleg fyrirtæki við brotastarfsemi sína og peningaþvætti. Hér á landi endurspeglist það í notkun svokallaðra leppa. „Þekkt er að einstaklingar í viðkvæmri …
Athugasemdir