Til Grænlands á gamalli eikarskútu

Áður en við höldum lengra skulum við fara aðeins í gegnum það hvernig á að bera fram nafn þorps­ins Ittoqqortoormiit sem þýðir á austur-græn­lenskri mál­lýsku „stað­ur­inn með stóru hús­unum“ –IIttok-kor-tor-mit. Þið getið æft ykkur að segja þetta nokkrum sinnum og þá eruð þið búin að ná þessu nafni sem margir eiga erfitt með í byrjun og ég var einn af þeim og nýtti mér stytt­ing­una Itto sem er svona svipað og ef útlend­ingar hefðu notað Æja sem stytt­ingu fyrir Eyja­fjalla­jök­uls­gosið. 

Frá því í æsku hefur mig langað til Græn­lands. Ég var 9 eða 10 ára þegar pabba lang­aði að taka mig með í hóp­ferð á vegum Oddfellow til Græn­lands. Mamma vildi ekki að ég færi – sagði að ég mætti ekki missa úr skóla. Ég sat því eftir heima með sárt ennið. Pabbi tók mikið af ljós­myndum í ferð­inni, sagði mér ferða­sög­una og færði mér grjót frá Græn­landi sem …