Á
tólfta tímanum á miðvikudag fór að rjúka nokkuð úr hrauninu í Sundhnúkagígaröðinni norður af Grindavík. Klukkan 12.46 braust svo rauðglóandi hraun út af verulegum krafti. Hraunið spýttist upp úr sprunginni og þykkur gosmökkur steig upp, þegar mest var í um 3,5 kílómetra hæð. Ríkislögreglustjóri og lögreglustjórinn á Suðurnesjum lýstu yfir neyðarstigi.
Veðurstofa Íslands hafði varað við mögulegu eldgosi í kringum ellefu þennan morgun, eftir að skjálftavirkni jókst til muna, og var Grindavík rýmd um svipað leyti, rétt eins og Bláa lónið og orkuverið í Svartsengi.
MökkurinnMikill mökkur steig upp úr gosinu og náði þegar mest lét 3,5 kílómetra upp í loftið. Ef vel er að gáð mætti halda að mökkurinn hafi tekið á sig mannsmynd.
Mynd: Golli
Það leið ekki á löngu þar til fréttir fóru að berast af því að hraunið væri á leiðinni að Grindavíkurvegi. Þá …
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Reykjaneseldar
„Yfirgnæfandi líkur“ á eldgosi á næstu þremur dögum
Þorvaldur Þórðarson eldfjallafræðingur segir yfirgnæfandi líkur á að það byrji að gjósa á Reykjanesskaga á næstu tveimur dögum. Hann segir að flest bendi til þess að „þakið muni rofna á svipuðum slóðum og áður“. Hann telur því ekki hættu á að það byrji innan Grindavíkur þó að hraun geti flætt þangað.
Myndband: Rauk úr sprungunni og svo lauk gosinu
Reykur rauk upp úr sprungu við Sýlingarfell á Reykjanesi tveimur dögum áður en gosinu lauk. Drónamyndband af sprungunni hefur vakið nokkra athygli en það sýnir sprunguna í miklu návígi.
„Á virkilega að láta hóp Grindvíkinga sitja uppi með stórkostlegt tjón?“
Oddný G. Harðardóttir, þingkona Samfylkingarinnar, telur að ríkisstjórnin hafi ekki staðið við stóru orðin um aukinn stuðning við Grindvíkinga vegna náttúruhamfaranna í bænum.
Hraunið gæti flætt yfir fjarskiptastöð Bandaríkjaflota
Benedikt G. Ófeigsson, jarðeðlisfræðingur og fagstjóri aflögunarmælinga hjá Veðurstofu Íslands, segir gríðarlegt magn hrauns flæða úr sprungunni sem opnaðist nærri Sundhnúkum norðan við Grindavík í dag. Dragi ekki úr flæðinu gæti flaumurinn flætt að varnargörðunum vestan við Grindavík og að fjarskiptastöð bandaríska flotans sem staðsett nálægt Grindavík.
Úlfar: „Við getum haft áhyggjur af innviðum“
Úlfar Lúðvíksson, lögreglustjóri á Suðurnesjum, segir ástæðu til að hafa áhyggjur af innviðum nálægt Grindavík – bænum sjálfum og einkum orkuverinu í Svartsengi. Ekkert er hægt að gera annað en að halda fólki frá og fylgjast með atburðinum.
Eldgos hafið og þrír neita að yfirgefa Grindavík
Eldgos er hafið nærri Sundhnúkum norðan við Grindavík. Neyðarstigi hefur verið lýst yfir og Grindavík rýmd. „Kvikugangurinn er að færast nær Grindavíkurbæ,“ segir í færslu almannavarna.
Athugasemdir