Kvik­myndin The Zone of Interest í leik­stjórn Jonathan Glazer byrjar í myrkri og með drunga­fullu tón­verki Mica Levi sem varir í nokkrar mín­útur þar til hljóð­mynd, fugla­söngur tekur við. Myrkrið og tón­verkið gefur áhorf­endum til kynna að myndin er alvar­leg enda um mann sem stjórn­aði fræg­ustu útrým­ing­ar­búðum nas­ista og fjöl­skyldu hans á því tíma­bili sem flestir voru myrtir í búð­unum. 

Við myrkr­inu tekur við mynd eins og úr fjöl­skyldu­albúmi, fjöl­skylda í laut­ar­ferð við stöðu­vatn að sumri. Fjöl­skyldu­fað­ir­inn, Rudolf Höss, stendur á sund­föt­unum og horfir á börnin sín leika sér með mag­ana fulla af jarð­ar­berjum og konan hans, Hedwig Höss, gefur ung­barni þeirra epla­bita. Því næst er fjöl­skyldan á hreyf­ingu, á göngu í skógi, á leið heim í bíl, börnin hlæj­andi í aft­ur­sæt­inu.

Þau keyra eftir vegi og beygja svo inn á annan að því sem nas­istar köll­uðu Áhuga­svæðið, eða The Interest Zone, svæðið í kringum útrým­ing­ar­búð­irnar þar sem stjórn­endur og …