Natatorium var heimsfrumsýnd á kvikmyndahátíðinni í Rotterdam og hefur jafnframt verið valin inn á South by Southwest hátíðina í Bandaríkjunum. Í mjög góðri umsögn Hollywood Reporter segir að myndin sé bæði glæsileg og skrýtin en um leið altæk saga um þögn í sjálfsvörn og ótta. Drama með listrænu yfirbragði og anda hryllings.
„Ég var búin að skrifa handrit að stuttmynd um hálfsystkini sem verða smá skotin í hvort öðru. Svo, smám saman, fannst mér eins og það þyrfti að vera stærri saga, en ekki stuttmynd. Þá sá ég fyrir mér mynd af þessum málsverði – þar sem allir eru glaðir á yfirborðinu en undir niðri kraumar allt. Og þau neita að horfast í augu við það sem kraumar undir eða geta það ekki,“ segir Helena og nefnir því næst að hún hafi jafnframt lesið smásögu eftir vinkonu sína, að nafni Celeste Ramos, sem heitir Swim.
…
Athugasemdir