Sjálfstæðisflokkurinn er helsti valdaflokkur Íslands. Hann hefur setið lengur að völdum en nokkur annar og þannig haft meiri áhrif á mótun íslensks samfélags en aðrir stjórnmálaflokkar. Flokkurinn sat til að mynda sleitulaust í ríkisstjórn frá 1991 til 2009 og hefur nú verið við völd ásamt ýmsum samstarfsflokkum frá árinu 2013. Á tæpum 33 árum hefur Sjálfstæðisflokkurinn verið í ríkisstjórn í tæplega 29 ár.
Síðastliðið ár hefur hins vegar reynst flokknum erfitt. Mörg ágreiningsmál hafa komið upp milli ríkisstjórnarflokkanna og sum þeirra hafa leitt til þess að flokksmenn hafa gagnrýnt Sjálfstæðisflokkinn fyrir að gefa of mikið eftir. Nú síðast Jón Gunnarsson, sem sat í ríkisstjórninni fram á síðasta sumar. Hann hefur sagt að það þurfi að mynda nýjan meirihluta á þingi, til að sniðganga andstöðu Vinstri grænna við frekari virkjanir. Gangi það ekki eftir þurfi að boða til kosninga.
Kannanir allt síðasta ár benda til þess að Samfylkingin sé á góðri …
Athugasemdir