„Ungt fólk er að deyja í hrönnum vegna þess að hér geisar ópíóíða­far­aldur – eins og í Ameríku og eins og í Evrópu. Auðvitað hlaut hann að koma hingað. En þetta er alls ekki tekið nógu alvar­lega,“ segir Bubbi Morthens. 

Bubbi greindi frá því á Facebook þann 23. apríl að hann hefði und­an­farið ár sungið yfir ell­efu ein­stak­lingum sem hafi fallið frá vegna fíkni­sjúk­dóms, þar af sex á þessu ári. Síðan þá hafa fjórar jarð­ar­farir bæst við, fjórir ein­stak­lingar til við­bótar fallið frá sem Bubbi hefur sungið yfir. En hann er ekki einn um að syngja yfir ungu fólki sem hefur fallið frá vegna fíkni­sjúk­dóms. Við vitum því ekki hver er raun­veru­legur fjöldi þeirra sem hafa lát­ist af þeim sökum á þessu ári. Við vitum hins vegar að staðan er grafal­var­leg.