Þrátt fyrir að hafa verið rúma tvo mánuði í Úkraínu er þetta í fyrsta sinn sem ég sé fólk hér smeykt. Sumir segja að best sé að læsa sig inni á klósetti til að forðast að fá í sig rúðubrot ef gluggarnir springa, aðrir að betra sé að vera frammi á gangi til að eiga auðveldara með að komast út ef byggingin fer að hrynja. Tungumálakennari minn segir að öruggast sé að mæta ekki í skólann þennan daginn þar sem hann sé í grennd við höfuðstöðvar leyniþjónustunnar SBU sem gæti orðið skotmark. Sjálf ætlar hún að heimsækja foreldra sína í öðrum landshluta. 

Sá dagur sem veldur fólki áhyggjum er annars iðulega fagnað hér í borg. Þann 24. ágúst er þjóðhátíðardagur og er því fagnað að 31 ár eru liðin frá því Úkraína lýsti yfir sjálfstæði, í sömu viku og Eystrasaltslöndin gerðu slíkt hið sama með aðstoð Íslendinga. Það tókst hjá …