Ólafur Ragnar Grímsson, fyrr­ver­andi for­seti Íslands, bauð yfir 1.500 manns í Hörpuna síð­ustu helgi, en þá var haldin Arctic Circle ráð­stefnan í Hörpunni um fram­tíð Norð­ur­skauts­ins. Þar voru mættir ráð­herrar, stjórn­mála­menn, sendi­herrar, fólk úr háskóla­sam­fé­lag­inu, lobbí­istar og að sjálf­sögðu nóg af jakka­fata­klæddum kaup­sýslu­mönnum frá öllum heims­hornum. Fyrir utan Hörpuna sáust raðir af dýrum svörtum þýskum glæsi­kerrum til að flytja allt þetta mik­il­væga fólk. Ráð­stefnan stóð yfir í þrjá daga og voru tugir fyr­ir­lestra og kynn­inga í skreyttum sölum Hörpu. Upp á svið mætti þetta mik­il­væga fólk og lof­aði öllu fögru þegar kemur að lofts­lags­breyt­ingum, lof­orðin á hins vegar ekki að setja í fram­kvæmd strax, meira eftir svona um 15 til 20 ár. Markmið og áætl­anir voru kynntar ásamt því að tala um hvað sé verið að gera frá­bæra hluti á næstu ára­tugum með fjár­fest­ingu í tækni sem hefur ekki enn sannað sig að virki sem alvöru vopn gegn lofts­lags­breyt­ingum.