Þegar Hillbilly bar að garði á vinnustofu Ólafar Nordal upplýsti hún hana um að hún væri að flytja sig um set. Það vantar greinilega meira pláss. Á miðju gólfi stóð risaskúlptúr. Skúlptúrinn var í vor afhjúpaður í Menntaskólanum við Hamrahlíð og sér til þess að nemendur ofþorni ekki. Skúlptúrinn, sem nefnist Auga, er nefnilega líka vatnsbrunnur. „Já ég hef bara verið heppin og fengið verkefni. Ég er ekkert alltaf með verkefni en mér finnst mjög gaman að gera verk í almannarými, alveg rosalega gaman,“ segir Ólöf. Hillbilly er minnisstæður Geirfugl (1997) Ólafar, sem stendur stundum í fjörunni og stundum í sjónum í Skerjafirði. Að eigin sögn er Ólöf mikið á vinnustofunni, „en ekki alltaf“. Ólöf vinnur listrannsóknir í sinni praktík þvert á miðla, skúlptúr, ljósmyndir, vídeó svo eitthvað sé nefnt ásamt því að vinna stundum með tónlistar- og leikhúsfólki. Hún bjó lengi í Bandaríkjunum og það sést í verkum hennar …