Fyrri aukaspurning:

Hver málaði myndina sem sést hér að ofan? Athugið að um að ræða skjáskot af hluta myndinnar, hún sést ekki öll.

***

Aðalspurningar:

1.  Í hvaða landi er borgin Braga?

2.  Undir hvaða nafni er Vlad Tepes þekktastur?

3.  Fjallið K2 er næsthæsta og eitt hættulegasta fjall í heimi. En fyrir hvað stendur K-ið í nafni þess? Er K-ið til heiðurs ... A) Edwin Kelley landstjóra Breta 1874-1896, B) Karakorum-fjallgarðinum, C) Kasjmír-héraði, D) Ayub Khan og Yayah Khan hershöfðingjum sem réðu Pakistan hvor á fætur öðrum þótt óskyldir væru, E) Karlāṇī-ættbálknum í Pakistan.

4.  Hvað er Dua Lipa?

5.  Hvað heitir vefsíðan sem vakið hefur athygli að undanförnu og gerir fólki kleift að birta af sér myndir og fá greitt fyrir?

6.  Hvað kallast hin fyrrverandi Bandaríki í sjónvarpsseríunni The Handmaid's Tale?

7.  Við hvaða stöðuvatn stendur hið forna virki Masada?

8.  Árið 418 hafði mestallur Íberíuskagi (sem nú geymir Spán og Portúgal) verið undir stjórn Rómaveldis í rúm 500 ár. Þá birtist þar þjóð ein, sem lagði stóran hluta skagans undir sig og kom þar upp ríki sem stóð í þrjár aldir. Hvað nefndist sú þjóð? Hér þarf hárnákvæmt svar! 

9.  Hvar var stærsta flotastöð Bandamanna á Íslandi í síðari heimsstyrjöldinni?

10.  Hver var borgarstjóri í Reykjavík á undan Degi B. Eggertssyni?

11.  Í hvaða ríki heitir forsætisráðherrann Viktor Mihály Orbán?

***

Síðari aukaspurning:

Hvað heitir konan á myndinni hér að neðan?

***

Svör við aðalspurningum:

1.  Portúgal.

2.  Dracula.

3.  Karakorum-fjallgarðinum.

4.  Söngkona á Bretlandi.

5.  OnlyFans.

6.  Gilead.

7.  Dauðahafið.

8.  Þetta var gotneskur ættbálkur sem yfirleitt er kallaður Vísi-Gotar en hin eldri útgáfa á nafni þeirra, Vestur-Gotar, telst líka rétt. En Gotar dugar sem sé ekki.

9.  Hvalfirði.

10.  Jón Gnarr.

11.  Ungverjalandi.

***

Svör við aukaspurningum:

Málverkið á efri myndinni er eftir Georg Guðna.

Svona lítur það út í heild:

Á neðri myndinni má aftur á móti sjá Lizu Minelli.

***

Og hér að neðan eru svo hlekkir á fleiri þrautir, sem una má við sumarlangt, eða vetrarlangt, ef þú skyldir vera að skoða þetta að vetrarlagi kannski í fjarlægri framtíð ...