Fyrri aukaspurning:

Á teikningunni hér að ofan má sjá þann atburð þegar byltingarsamtökin Þjóðarviljinn tóku af lífi þjóðhöfðingja í landi einu árið 1881. Í hvaða landi?

***

Aðalspurningar:

1.  Hvað hét þjóðhöfðinginn sem Þjóðarviljinn myrti árið 1881?

2.  Hvaða fyrirbæri er Old Bailey?

3.  Eitt af frægustu leikskáldum Bandaríkjanna á 20. öld hét skírnarnafninu Thomas og fæddist í ríkinu Mississippi. Hann tók sér hins vegar skáldsafn sem virtist gefa til kynna að hann væri upprunninn annars staðar. Hvað kallaði hann sig?

4.  Hvaða Afríkuríki nær lengst í vestur?

5.  En í austur?

6.  Hver var þriðji forseti Íslands?

7.  Hvaða íslenska náttúrufyrirbæri er orðið samheiti yfir öll sams konar náttúrufyrirbæri í heiminum, að minnsta kosti í flestum Evróputungum?

8.  Aliette Opheim heitir sænsk leikkona, fædd í Täby við Stokkhólm árið 1985. Af hverju er ég að spyrja um hana hér?

9.  Hvaða leiksýning sópaði að sér Grímuverðlaunum á dögunum?

10.  Og hver fékk Grímuverðlaunin fyrir að leikstýra þeirri sýningu?

***

Síðari aukaspurning.

Fáninn hér að neðan er með þeim ósköpum að tvö ríki í heiminum, hvort í sinni heimsálfu nota hann sem þjóðfána sinn. Munur á lit og breidd randanna þriggja er svo lítill að enginn tekur í raun eftir því, og því eru fánarnir í raun eins. Nefnið annað ríkjanna, sem nota fánann. Ef þið þekkið bæði, þá megiði sæma ykkur lárviðarstigi!

***

Svör við aðalspurningum:

1.  Alexander 2.

2.  Frægt dómhús í London.

3.  Tennessee Williams.

4.  Grænhöfðaeyjar.

5.  Mauritius.

6.  Kristján Eldjárn.

7.  Geysir.

8.  Af því hún lék í Kötlu.

9.  Vertu úlfur.

10.  Unnur Ösp.

***

Svör við aukaspurningum:

Morðið var framið í Rússlandi.

Fáninn er notaður í Evrópuríkinu Rúmeníu og Afríkuríkinu Tjad.  

***

Hér fyrir neðan eru svo hlekkir á fleiri spurningaþrautir.