Við þekkjum flest jólabókaflóðið sem flæðir yfir okkur og skapar stemningu og jólagleði. Flóðið góða er jafnframt ein helsta tekjulind rithöfunda. Hillbilly ímyndaði sér að jólalistamarkaðir gætu gert sama gagn fyrir myndlistarmenn. Þeir eru orðnir þó nokkuð margir, markaðirnir, sem sumir hverjir hafa fest sig rækilega í sessi og margir myndlistarmenn og buddurnar þeirra eru jafnvel farin að reiða sig á þá.

Hillbilly kynnti sér nokkra jólamarkaði þar sem list er til sölu. Á www.hillbilly.is má sjá enn fleiri staði þar sem hægt er að kaupa list allt árið um kring.

Mynd: Heiða Helgadóttir

LJÓSABASAR NÝLÓ

Nýlistasafnið er listamannarekið samtímalistasafn og þar eru verk eftir fulltrúa safnsins til sölu. Hópurinn er á ýmsum aldri og kemur úr ýmsum áttum, sumir tóku þátt í að stofna safnið fyrir fjörutíu árum á meðan aðrir eru nýlega útskrifaðir úr listaskólum. Verkin eru margvísleg í formi og efni, enda fulltrúarnir yfir 40 talsins. Á …