Kristján Vil­helms­son, annar stærsti eig­andi útgerð­ar­fé­lags­ins Samherja, er annar stærsti eig­andi fast­eigna­fé­laga sem eiga tugir lóða og fast­eigna sem munu mynda nýjan miðbæ á Selfossi á Suð­ur­landi. Helsta félagið kall­ast Sigtún þró­un­ar­fé­lag og standa fram­kvæmdir nú á fullu yfir í bænum. Áætlaður kostn­aður við verk­efnið er 5,5 millj­arðar króna.

Vit­neskjan um að Kristján Vil­helms­son sé einn helsti eig­andi hins nýjar mið­bæjar á Selfossi er ekki útbreidd. Til að mynda virð­ist núver­andi for­maður bæj­ar­ráðs Árborgar, Eggert Valur Guð­munds­son, ekki vita að Kristján Vil­helms­son er stærsti eig­andi verk­efn­is­ins og þar með fram­tíðar mið­bæjar Selfoss. Í ljósi þessa má spyrja hversu útbreidd vit­neskjan um eign­ar­hald Krist­jáns er í sveit­ar­fé­lag­inu, en hann er hvergi tengdur við verk­efnið í opin­berum upp­lýs­ingum frá Sigtúni þró­un­ar­fé­lagi.

Lágreistur miðbæjarkjarni með sögulegum innblæstri

Verið er að byggja 35 ný hús sem eiga að mynda nýja mið­bæ­inn á tveggja hekt­ara svæði og mun bygg­ing­ar­magnið verða um 25 þús­und fer­metrar. Í …