Díana Katrín Þorsteinsdóttir, Donna Cruz, Anna Jia og Dýrfinna Benita, ungar íslenskar konur af asískum uppruna, ræddu við Stundina um reynslu sína af rasísku kynferðisofbeldi og kynferðislegum rasisma, sem staðalmynd asísku vændiskonunnar viðheldur og normalíserar. Dýrfinna lýsir rasískri kynferðislegri áreitni sem hélt henni í ótta á grunnskólaárunum: „Ég var oft mjög hrædd í skólanum. Það var hópur af strákum sem var alltaf að hóta að hópnauðga mér og berja mig ef þeir sæju mig utan skólans. Ég þurfti líka alltaf að heyra að mamma mín væri keypt og ég væri taílensk mella.“

Anna Jia segir ábyrgð hinna fullorðnu vera mikla, þar sem þessi tegund rasisma sé ekki sjálfsprottin úr hugarheimi barna. „Tíu ára börn eru að koma upp að þeim og segja að mamma þeirra sé hóra af hrísgrjónaakri í Taílandi sem hafi verið flutt inn til landsins í gám af pabba þeirra sem sé melludólgur. Það er ekkert tíu …