Vel innan við þúsund virk smit – 633 hefur batnað af COVID-19

Staðfest smit af kór­ónu­veirunni eru orðin 1.616 hér á landi. Í gær voru þau 1.586 og hefur þeim því fjölgað um þrjá­tíu á einum sól­ar­hring. Í dag eru 4.195 manns í sótt­kví en í gær var fjöld­inn 4.407. Alls hafa 13.898 lokið sótt­kví.

Í dag eru 977 ein­stak­lingar með virk COVID-19 smit en í gær var fjöld­inn 1.021. Alls hafa 633 náð bata.

29 ný smit greindust í því 671 sýni sem tekið var á sýkla- og veiru­fræði­deild Land­spít­ala í gær. Af 1.284 sýnum sem tekin voru hjá Íslenskri erfða­grein­ingu fannst aðeins eitt nýtt smit. Alls hafa 30.947 sýni verið tekið hér á landi frá upp­hafi far­ald­urs­ins.

Enn er yfir helm­ingur þeirra sem grein­ist með sýk­ingu þegar í sótt­kví sem sótt­varna­læknir hefur sagt sýna mik­il­vægi þeirrar aðgerðar við að hefta útbreiðslu veirunnar.

Á sjúkra­húsi liggja 39 sjúk­lingar vegna COVID-19 sjúk­dóms­ins, þar af þrettán á gjör­gæslu, sam­kvæmt því sem fram kemur á vefnum covid.is.

Af þeim sem greinst hafa með COVID-19 á Íslandi eru sex látin.

Gert er ráð fyrir því að rúm­lega 2.100 manns muni grein­ast með COVID-19 hér á landi í þess­ari bylgju far­ald­urs­ins, en talan gæti náð 2.600 sam­kvæmt svart­sýnni spá. Þetta kemur fram í for­spá vís­inda­manna Háskóla Íslands, Land­spít­ala og land­lækn­is­emb­ætt­is­ins, sem mið­ast við gögn til og með 5. apríl.

[links]Gert er ráð fyrir því að fjöldi þeirra sem eru með virkan sjúk­dóm nái hámarki í þess­ari viku og að þeir verði um 1.400 tals­ins. Samkvæmt svart­sýnni spá gæti þó farið svo að toppnum verði ekki náð fyrr en í næstu viku og að 1.700 ein­stak­lingar hafi þá virkan sjúk­dóm á sama tíma.

Samkvæmt nýj­ustu gögnum er gert ráð fyrir því að á meðan þessi bylgja far­ald­urs­ins fer yfir þurfi 140 manns að leggj­ast inn á sjúkra­hús, en fjöld­inn gæti náð hátt í 170 manns. Mest álag á heil­brg­iðis­þjón­ustu verður fyrir miðjan apríl, en þá er gert ráð fyrir að um það bil 70 ein­stak­lingar geti verið inniliggj­andi á sama tíma, en svart­sýnni spá er 90 ein­stak­lingar.

Uppfærð for­spá gerir ráð fyrir því að á tíma far­ald­urs­ins muni 28 ein­stak­lingar veikj­ast alvar­lega og þurfa gjör­gæslu­inn­lögn, en svart­sýnni spá gerir ráð fyrir því að þessir sjúk­lingar verði allt að 41 tals­ins.

Mestu álagi á gjör­gæslu­deildir er spáð í annarri viku apríl, en þá er búist við því að 11 sjúk­lingar liggi á gjör­gæslu á sama tíma, en sam­kvæmt svart­sýnni spá gætu það verið 19 manns.