Stjórn Samherja hf. á Íslandi kom ekki að því að ákveða og skipu­leggja að greiða mútur frá erlendum dóttur- og hlut­deild­ar­fé­lögum útgerð­ar­fyr­ir­tæk­is­ins til stjórn­mála- og emb­ætt­is­manna í Namibíu í skiptum fyrir hesta­makríl­skvóta sem útgerð í eigu félags­ins fékk í Namibíu á árunum 2012 til 2018. 

Þetta kemur fram í svörum frá Björgólfi Jóhanns­syni, starf­andi for­stjóra Samherja og tals­manni stjórnar félags­ins, við spurn­ingu Stund­ar­innar um aðkomu stjórnar Samherja að því að ákveða og skipu­leggja mútu­greiðsl­urnar í Namibíu sem greint var frá í Stund­inni, Kveik og hjá Al-Jazeera, á grund­velli gagna frá Wikileaks, fyrir skömmu.

Svörin bár­ust í tölvu­pósti frá Margréti Ólafs­dóttur, rit­ara for­stjóra Samherja, og kom fram í svör­unum frá Samherja að Björgólfur Jóhanns­son væri að veita svörin sem tals­maður Samherja og stjórnar félags­ins. Björgólfur fæst hins vegar ekki til að útskýra svör sín og til hvers …