Reynir að skapa einstakt andrúmsloft

Hilda tekur á móti blaða­manni og ljós­mynd­ara á fal­legu heim­ili sínu á Lokastíg í Reykja­vík. Íbúðin er lítil og nota­leg en Hilda vill frekar hafa fáa og per­sónu­lega hluti með sál og sögu en að elt­ast við nýj­ustu hönn­un­ar­strauma. Litirnir eru hlut­lausir sem skapar þægi­legt and­rúms­loft og stórir gluggar gera það að verkum að íbúðin er afar björt. Inn­blástur fyrir heim­ilið fær hún mikið úr nátt­úr­unni.

Hilda býður okkur sæti við borð­stofu­borðið og hellir upp á te búið til úr jurtum sem hún týndi sjálf. Þetta er einmitt svona íbúð sem þú drekkur te í. Meint á mjög jákvæðan hátt. „Ég er drekk örugg­lega fimm bolla á dag,“ segir Hilda og hlær. „Ég býð fólki alltaf upp á te þegar það kemur í heim­sókn. Þú spurðir mig áðan hver upp­á­halds­hlut­ur­inn minn væri og ég get sagt þér að það gæti bara verið hraðsuðu­ket­ill­inn minn. Ég held mjög mikið upp á hann.“