Fyrir 30 árum ákvað Guðrún Margrét Pálsdóttir hjúkrunarfræðingur að hætta í vinnu sinni til þess að sjá heiminn. Hún seldi eigur sínar og hélt af stað. Ótal ævintýri biðu hennar á ferð þar sem fátæktin var þó gjarnan til staðar. Hjúkrunarfræðingurinn ákvað í ferðinni að beita sér í þágu fátækra og kenna þeim að lesa. Síðar stofnaði hún ABC-barnahjálp ásamt sjö félögum sínum. Allar götur síðan hefur hún unnið hjálparstarf, lengst af í sjálfboðavinnu. Nú stendur frumherjinn í ströngu í Kenía þar sem barnastarf ABC hefur verið yfirtekið af starfsmanni samtakanna.
„Í janúar 1985 ákvað ég að fara í hnattferð. Ég fór til Samvinnuferða-Landssýnar og keypi mér miða í kringum hnöttinn. Þetta var opinn ársmiði með nokkrum stoppum. Ég ákvað að ferðast út frá þeim stoppum,“ segir Guðrún Margrét um upphaf þess að hún gerði það að verkefni lífs síns að hjálpa fátækum börnum í vanþróuðum ríkjum til þess að komast úr mestu örbirgðinni.
Seldi eigur sínar
Guðrún starfaði sem hjúkrunarfræðingur þegar hnattferðin hófst í september árið 1985. Hún var 26 ára og hafði sagt upp starfi sínu til þess að sjá heiminn. Hún var einhleyp og frjáls eins og fuglinn. Hún átti
Athugasemdir