„Ekki einu sinni almennilegur umhverfisverndarsinni“

Hann heitir Andri Snær Magnason, er þekkt­astur fyrir rit­störf sín, en er nú að reyna að skipta um starf og hefur sett stefn­una á Bessa­staði. Búsettur í Karfa­vogi, upp­al­inn í Árbæj­ar­hverfi og gekk í Árbæj­ar­skóla. Vinirnir sem hann kynnt­ist þar hafa haldið hóp­inn allar götur síðan, og standa þeir þétt að baki Andra í bar­átt­unni um Bessa­staði. Árbærinn hefur verið eins­konar fjöl­skyldu­óðal Andra, en amma hans og afi búa þar enn, og langamma hans og langafi námu þar land þegar byggð var að festa rætur.