Menntamálaráðherra sakaður um ritskoðunartilburði – Björg segir sig úr stjórn RÚV

Siða­reglur sem banna starfs­mönnum RÚV að tjá sig um „umdeild mál“ á sam­fé­lags­miðlum voru ekki bornar undir stjórn RÚV.

Björg Eva Erlends­dóttir, stjórn­ar­maður í RÚV og fyrr­ver­andi stjórn­ar­for­maður, full­yrðir að Illugi Gunn­ars­son mennta- og menn­ing­ar­mála­ráð­herra hafi mis­notað nýgerðan þjón­ustu­samn­ing við Rík­is­út­varpið til að rétt­læta eigin rit­skoð­un­ar­til­burði. Björg lagði fram bókun á stjórn­ar­fundi þar sem samn­ing­ur­inn er gagn­rýndur harð­lega en sat hjá þegar greidd voru atkvæði um hann. Hún hyggst hætta í stjórn­inni á aðal­fundi síðar mán­uð­inum. 

Í nýjum siða­reglum starfs­manna Rík­is­út­varps­ins sem gengið hafa í gildi er meðal ann­ars kveðið á um að „starfs­fólk, sem sinnir umfjöllun um fréttir, frétta­tengt efni og dag­skrár­gerð“ megi ekki taka opin­ber­lega afstöðu í umræðu um póli­tísk mál­efni eða umdeild mál í þjóð­fé­lags­um­ræð­unni, þar á meðal á sam­fé­lags­miðlum. 

„Mennta­mála­ráð­herra hefur mis­notað nýgerðan þjón­ustu­samn­ing til að rétt­læta eigin rit­skoð­un­ar­til­burði. Það er háal­var­legt,“ skrifar Björg Eva á Facebook-síðu sinni. „Grimm rit­skoðun rík­is­stjórn­ar­full­trúa gagn­vart RÚV frekar en efni þjón­ustu­samn­ings­ins sjálfs, varð til þess að ég sam­þykkti hann ekki. Siða­regl­urnar voru ekki bornar undir stjórn.“ 

Í bókun sem hún lagði nýverið fram á stjórn­ar­fundi full­yrðir hún að um nið­ur­skurð­ar­samn­ing sé að ræða „þar sem stjórn­völd ákveða að draga úr almennri þjón­ustu fjöl­mið­ils­ins á flestum sviðum og veikja meðal ann­ars frétta­þjón­ustu, eins og síst skyldi“. Þá segir Björg að með eyrna­merk­ingum á fjár­fram­lögum til RÚV hafi  stjórn­ar­meiri­hlut­inn á Alþingi tekið sér dag­skrár­vald og hlut­ast til um rit­stjórn. Auk þess hafi stjórn­völd gert sitt ýtrasta til að ala á tor­tryggni í garð RÚV t.d. með ákvæðum í samn­ingum sem kveða á um end­ur­skoðun frétta­reglna og hlut­leys­iskrafna. 

Loks segir í bókun Bjargar: „Eftir víð­frægar árásir fjöl­margra stjórn­ar­liða úr báðum rík­is­stjórn­ar­flokk­unum á Rík­is­út­varpið er algjör­lega skýrt að ekki vakir fyrir stjórn­völdum að búa Rík­is­út­varp­inu líf­væn­legt umhverfi, hvorki með þjón­ustu­samn­ingi né öðrum ramma­skil­yrðum fjöl­mið­ils­ins. Í mínum augum er þjón­ustu­samn­ing­ur­inn nauð­ar­samn­ingur þar sem stjórn­endum RÚV var stillt upp við vegg, eftir fjöl­mörg svikin fyr­ir­heit og þeir látnir skera niður eina ferð­ina enn, án nokk­urrar trygg­ingar fyrir því að þar með væri fjöl­mið­ill­inn kom­inn á lygnan sjó. Ekki þjónar neinum til­gangi að axla þá ábyrgð með þeim, eða taka mark á samn­ingnum stjórn­ar­meiri­hlut­ans yfir­leitt. Því sit ég hjá og kveð í leið­inni stjórn og stjórn­endur Rík­is­út­varps­ins, með von um betri tíð og bættan hag Rík­is­út­varps­ins í fram­tíð­inni.“

Uppfært 15. apríl, kl. 14:50
Í til­kynn­ingu frá Guðlaugi G. Sverris­syni, stjórn­ar­for­manni RÚV kemur fram að Björg Eva hafi sagt frá því fyrr á árinu að hún ætl­aði að hætta í stjórn á næsta aðal­fundi Rík­is­út­varps­ins vegna þess að hún hygð­ist taka við starfi fram­kvæmda­stjóra þing­flokks Vinstri hreyf­ing­ar­innar græns fram­boðs. „Aðrar skýr­ingar á ósk hennar að hætta í stjórn Rík­is­út­varps­ins ohf. eru því nýjar fréttir,“ skrifar Guð­laugur. Rétt er að taka fram að siða­regl­urnar voru samdar af hópi starfs­manna Rík­is­út­varps­ins og kom mennta­mála­ráð­herra ekki að þeim. Áður kom fram í frétt­inni að Björg Eva hefði lagst gegn þjón­ustu­samn­ingnum á stjórn­ar­fundi. Svo nákvæmni sé gætt er rétt að geta þess að hún sat hjá þegar greidd voru atkvæði um samn­ing­inn en gagn­rýndi samn­ing­inn í bókun sem hún lagði fram.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár