Ég ætlaði að verða bakari og fór í MK en fannst það svo leiðinlegt, eða þá öllu heldur vinnutíminn, eins voru launin ekki beint í samræmi við vinnuframlagið svo ég skipti yfir í þjóninn.
Að námi loknu vann ég sem þjónn á VOX og Hilton Reykjavík Nordica frá árunum 2016 til 2018, en hætti þar um tíma og fór að vinna á Canopy-hótelinu þangað til í Covid. Þá fór ég aftur að vinna á VOX. Á þessum tíma var sá staður með þeim síðustu sem lögðu í alvöru þjónustu, þar sem borðin eru uppdúkuð, lögð fram hnífapör, vínparanir og sérglös fyrir hvert vín. Þetta er kannski gert í dag en það er orðið miklu sjaldgæfara.
Ég er búinn að sérmennta mig í víni, lærði í London í skóla sem heitir WSET og er að klára síðustu gráðuna þar og verð þá annar Íslendingurinn til þess að fá hana.
…Veistu meira? Láttu okkur vita
Það tókst ekki að sækja formið. Reyndu aftur eftir augnablik.

















































Athugasemdir (2)