Verðbólgan haggast varla

Verð­bólga mæld­ist 2,2 pró­sent í apr­íl­mán­uði og hækk­aði um 0,1 pró­sentu­stig milli mán­aða. Hún er enn undir 2,5 pró­sent verð­bólgu­mark­miði Seðla­banka Íslands og hefur verið þar frá því í des­em­ber 2019.

Í frétta­til­kynn­ingu frá Hagstofu Íslands segir að matur hafi hækkað um 1,5 pró­sent í mán­uð­inum og verð á nýjum bílum um 2,5 pró­sent en verð á bens­íni og olíum lækkað um 4,6 pró­sent sem togar fast á móti verð­bólgu. Ef hús­næð­islið­ur­inn væri ekki inni í vísi­tölu neyslu­verðs, sem mælir verð­bólgu, væri hún 1,9 pró­sent.

[adspot]Í sviðs­myndum Seðla­banka Íslands um efna­hags­legar afleið­ingar COVID-19 far­ald­urs­ins, sem Seðla­banki Íslands birti 2. apríl, kom fram að lít­ill und­ir­liggj­andi verð­bólgu­þrýst­ingur fylgi þeim aðstæðum sem nú eru uppi. Þvert á móti býst hann við því að verð­bólgan haldi áfram að hjaðna. Spá hans frá því í febr­úar gerði ráð fyrir með­al­verð­bólgu á árinu upp á 1,9 pró­sent. Sviðs­mynd­irnar nú gera hins vegar ráð fyrir því að hún verði lægri, eða 1,4 til 1,7 pró­sent.

Þar ræður miklu að lægra verð á hrá­vöru alþjóð­lega, sér­stak­lega olíu, og sá mikli slaki sem er að skap­ast á Íslandi toga á móti hefð­bundnum verð­bólgu­hvötum eins og geng­is­falli krón­unn­ar, sem hækkar veru­lega verð á inn­fluttum vörum eins og mat og bílum.

Verð­­bólgan fór undir 2,5 pró­­sent mark­mið Seðla­­banka Íslands í des­em­ber síð­­ast­liðnum en hún náði því þar á undan í júní 2018. Frá þeim tíma reis hún hæst í 3,7 pró­­­sent í des­em­ber 2018. Fyrir sum­arið 2018 hafði verð­bólgan verið undir verð­bólgu­mark­miði frá því í febr­úar 2014.