Sitjandi þingmanni sem vildi verða sveitarstjóri hafnað – Ekki á meðal sex efstu

Ásmundur Frið­riks­son, þing­maður Sjálf­stæð­is­flokks í Suð­ur­kjör­dæmi, var ekki á meðal sex efstu í próf­kjöri flokks­ins í Rangár­þingi ytra sem fram fór í gær. Hann hafði sóst eftir því að leiða list­ann og vildi verða næsti sveit­ar­stjóri í sveit­ar­fé­lag­inu.

Ingvar Pétur Guð­björns­son sigr­aði í próf­kjör­inu og fékk 219 af 400 gildum atkvæðum. Aðrir sem röð­uðu sér í efstu fjögur sætin fengu auk þess 94 atkvæði í fyrsta sætið sem þýðir að í mesta lagi rúmur fimmt­ungur kaus Ásmund í odd­vita­sætið.

Kjarninn greindi frá mögu­legu fram­boði hans 26. jan­úar síð­ast­lið­inn, nokkrum dögum áður en hann til­kynnti það form­lega. Þá hafði Ásmundur flutt lög­heim­ili sitt til Hellu, en hann var áður skráður til heim­ilis í Reykja­nesbæ. Ásmundur sagði að hann hefði fengið hvatn­ingu um að bjóða sig fram í Rangár­þingi ytra, sem er sterkt vígi Sjálf­stæð­is­flokks­ins. Hann er með hreinan meiri­hluta í Rangár­þingi ytra í dag eftir að hafa fengið yfir 62 pró­sent atkvæða í sveit­ar­stjórn­ar­kosn­ing­unum árið 2018.

[adspot]Ásmundur sagði við Kjarnann að þetta væri ekki í fyrsta sinn frá því að hann sett­ist á þing árið 2013 sem ein­hverjir hefðu leitað til hans fyrir sveit­ar­stjórn­ar­kosn­ingar um að hella sér aftur í sveit­ar­stjórn­ar­málin og af því hafi ekki orðið til þessa. Áður en Ásmundur sett­ist á þing var hann bæj­ar­stjóri í Garði á Reykja­nesi frá 2009-2012.

Hann sagði enn fremur að ef hann yrði sveit­ar­stjóri í Rangár­þingi ytra í kjöl­far kosn­inga myndi það þýða að hann myndi víkja af Alþingi.

Ásmundur var kjör­inn fyrir hönd Sjálf­stæð­is­flokks­ins í kosn­ing­unum í fyrra­haust í þriðja skipti frá því hann náði fyrst kjöri árið 2013 og er sjötti þing­maður Suð­ur­kjör­dæm­is.

Fyrsti vara­þing­maður Sjálf­stæð­is­flokks­ins í Suð­ur­kjör­dæmi er Björg­vin Jóhann­es­son.

Röð sex efstu sæta eftir loka­nið­ur­stöður próf­kjörs­ins er eft­ir­far­andi:

1. sæti: Ingvar Pétur Guð­björns­son með 219 atkvæði.
2. sæti: Eydís Þorbjörg Ind­riða­dóttir með 184 atkvæði í 1.-2. sæti.
3. sæti: Björk Grét­ars­dóttir með 194 atkvæði í 1.-3. sæti.
4. sæti: Þröstur Sig­urðs­son með 213 atkvæði í 1.-4. sæti.
5. sæti: Svavar Leópold Torfason með 235 atkvæði í 1.-5. sæti.
6. sæti: Sóley Mar­geirs­dóttir með 254 atkvæði í 1.-6. sæti.