Seðlabankinn hefur kaup á skuldabréfum ríkissjóðs á eftirmarkaði

Pen­inga­stefnu­nefnd Seðla­banka Íslands ákvað það á auka­fundi í gær að Seðla­bank­inn myndi hefja bein kaup á skulda­bréfum rík­is­sjóðs á eft­ir­mark­aði.

Í yfir­lýs­ingu vegna þessa segir að horfur séu á að útbreiðsla COVID-19, aðgerðir til að hefta sjúk­dóm­inn og efna­hags­legar afleið­ingar hans muni kalla á veru­lega aukn­ingu útgjalda rík­is­sjóðs.

[adspot]„Útlit er því fyrir að afkoma rík­is­sjóðs versni í ár og að hann þurfi að afla sér tölu­verðs láns­fjár með útgáfu rík­is­bréfa. Að öðru óbreyttu dregur það lausafé úr umferð og þrýstir upp ávöxt­un­ar­kröfu rík­is­skulda­bréfa sem truflar eðli­lega miðlun pen­inga­stefn­unnar á sama tíma og aðgerðir Seðla­banka Íslands miða að því að létta á fjár­mála­legum skil­yrðum heim­ila og fyr­ir­tækja.“

Pen­inga­stefnu­nefnd segir í yfir­lýs­ingu sinni að hún muni gera það sem þarf til að laus­ara taum­hald pen­inga­stefn­unnar miðlist með eðli­legum hætti til heim­ila og fyr­ir­tækja. „Nefndin ákvað því á auka­fundi í gær að Seðla­bank­inn myndi hefja bein kaup á skulda­bréfum rík­is­sjóðs á eft­ir­mark­aði. Nánari upp­lýs­ingar verða birtar síðar.“