Mjólkursamsalan hyggst taka rörin af 250 millilítra G-mjólkurfernum sínum. Það verður gert núna í mars og mega neytendur vænta þess að sjá röralausar fernur koma í verslanir upp úr næsta mánuði. Þetta kemur fram í svari MS við fyrirspurn Kjarnans.
Í frétt Kjarnans frá því í janúar 2016 kom fram að árið áður seldi MS rúmlega 1,6 milljón stykki af 250 millilítra G-mjólkurfernum með röri, bæði venjulega og létt G-mjólk.
Ólíkt flestum öðrum mjólkurafurðum sem seldar eru í litlum umbúðum, kemur G-mjólkin með röri á hliðinni eins og hún sé ætluð til drykkjar, eins og ávaxtasafi eða Kókómjólk. En langflestir nota mjólkina hins vegar út í kaffi.
Í svari MS á sínum tíma kom fram að pökkunarvél G-mjólkurinnar sé afar óhentug fyrir vöruna, en ný vél hlaupi á milljónum.
Nú segir MS að á þessum tveimur árum sem liðin eru síðan Kjarninn spurði síðast fyrir um málið hafi verið reynt að breyta umbúðunum á G-mjólkinni þegar settur var flipi á fernuna og rörið tekið. Það fékk dræmar undirtektir neytenda á þeim tíma, sem var meðal ástæðna þess að farið var aftur í núverandi umbúðir. Hins vegar framkvæmdi MS neytendakönnun í lok síðasta árs þar sem fram kom að meirihluti neytenda myndi ekki sakna rörsins. Í framhaldi var tekin ákvörðun um að taka rörin aftur af fernunum núna í mars.
Kjarninn spurði MS hvernig umbúðir G-mjólkurinnar falli að umhverfisstefnu fyrirtækisins, þar sem fram kemur að MS vilji lágmarka alla aðfanganotkun í starfseminni og leitist við að endurspegla umhverfisvæn sjónarmið í öllum skrefum virðiskeðjunnar. Fyrirtækið leggi þar með ríka áherslu á bestu umgengni til verndar umhverfinu og náttúru landsins.
MS segist á síðasta ári hafa skipt úr fernum sínum þannig að kolefnisfótspor sé 66 prósent minna en áður þar sem efnin í þeim séu nú úr endurnýjanlegum uppruna.
MS framleiðir í heildina um 25 milljón fernur árlega sem innihalda ferskvörur sem verða nú með 66 prósentum minna kolefnisspor og var sú aðgerð hluti af framfylgd umhverfisstefnu fyrirtækisins. „Á þessu ári er meðal annars á áætlun okkar að klára að flytja síðustu af okkar vörum í umhverfisvænni fernur eftir því sem umbúðalager klárast og færa drykkarvörur úr plastumbúðum í fernur,“ segir í svari MS.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Neytendamál
Breki Karlsson
Neytendur í vörn og sókn
Lækkun á bensínlítranum á Íslandi miklu minni en lækkun á innkaupaverði olíufélaga
Samkeppniseftirlitið slátrar hugmyndum um að leyfa ólögmætt samráð
Shein „fjárfestir“ í bættum vinnuaðstæðum í fataverksmiðjum
Ætti ríkið að greiða hverri nýrri kynslóð „heimanmund“ til þess að byrja ævina á?
Athugasemdir