Vilhjálmur prins fær á baukinn – „Líttu í eigin barm“

For­rétt­indapési sem býr í höll og á þrjú börn ætti ekki að kenna fólks­fjölgun í Afríku um hnignun vist­kerfa í álf­unni, segja þeir sem gagn­rýna Vilhjálm prins fyrir ummæli sem hann lét falla.

Vilhjálmur Bretaprins á Tusk-verðlaunahátíðinni í gærkvöldi.
Vil­hjálmur Breta­prins á Tusk-verð­launa­há­tíð­inni í gær­kvöldi. Mynd: EPA

Vil­hjálmur Breta­prins er harð­lega gagn­rýndur fyrir ummæli sem hann lét falla er Tusk-verð­launin, sem veitt eru fólki sem berst fyrir nátt­úru­vernd, voru afhent í gær­kvöldi. Í ræðu sinni á hátíð­inni sagði hann fólks­fjölgun stefna nátt­úru Afríku í hættu.

„Líttu í eigin barm,“ er meðal þess sem gagn­rýnendur hans benda honum á að gera.

Vil­hjálmur sagði að fólks­fjölgun væri að setja auk­inn þrýst­ing á víð­erni og búsvæði villtra dýra í Afríku. Sagði hann þetta skapa „miklar áskor­anir“ fyrir nátt­úru­vernd­ar­sinna“ en sagði vand­ann þó ekki bund­inn við Afríku.

„En það er bráð­nauð­syn­legt að nátt­úran sé vernduð ekki aðeins vegna þess sem hún gefur hag­kerfum okkar, atvinnu og til lífs­við­ur­væris heldur fyrir fram­tíðar heilsu og vel­ferð mann­kyns,“ sagði prins­inn.

Þetta er ekki í fyrsta skipti sem Vil­hjálmur lætur ummæli í þessa veru falla. Árið 2017 sagði hann einnig að hröð fólks­fjölgun í Afríku væri að auka þrýst­ing á villt dýra­líf „gríð­ar­lega“. Þegar Vil­hjálmur sagði þetta átti hann von á sínu þriðja barni og var ítrekað bent á þá stað­reynd í kjöl­farið.

Fólks­fjölgun er hröð í Afríku og er því spáð að mann­fjöld­inn í álf­unni tvö­fald­ist á næstu þrjá­tíu árum og verði orð­inn 2,5 millj­arðar árið 2050.

Vil­hjálmur fékk ekki aðeins nei­kvæðar athuga­semdir um nýj­ustu ummæli sín um fólks­fjölg­un­ina í álf­unni því ein­hverjir horfðu fram hjá því og þökk­uðu honum fyrir að standa með nátt­úr­unni á tímum fólks­fjölg­unar á heims­vísu.

Aðrir bentu á að þótt fólks­fjölg­unin í álf­unni væri vissu­lega mikil væru færri mann­eskjur á hvern fer­kíló­metra heldur en í bæði Asíu og Evrópu. Þá var það einnig rifjað upp fyrir breska prins­inum að evr­ópskir veiði­menn í upp­hafi tutt­ug­ustu aldar hafi valdið lang­mestum skaða á dýra­lífi Afríku. Að kenna Afr­íku­búum um hnignun nátt­úr­unnar væri stór­kost­legur mis­skiln­ingur á mann­kyns­sög­unni. „Hann ætti að eyða tíma sínum í að lesa góðar sögu­bækur,“ benti einn Twitter-not­andi á og sagði prins­inum að hugsa um sína eigin stóru fjöl­skyldu sem hefði dreift sér um allan heim.

Bresku góð­gerð­ar­sam­tökin Population Matters (Fólks­fjöldi skiptir máli) fögn­uðu því hins vegar að Vil­hjálmur beindi sjónum fólks að fólks­fjölgun og hnignun vist­kerfa. Þau hvöttu sam­tímis Breta til að eign­ast færri börn. „Prinsinn dregur rétti­lega athygli að fjölgun mann­kyns sem lyk­il­þáttar í tapi á villtri nátt­úru á heims­vísu en þetta er stærra sam­hengi,“ sagði Robin Maynard, for­maður sam­tak­anna, við breska blaðið The Times. „Mikil neysla í efna­miklum og þró­uðum ríkjum á borð við Bretland er einnig að valda eyð­ingu vist­kerfa. Skógar eru ruddir til rækt­unar fyrir breskan og evr­ópskan búfénað.“

Hann bendir enn fremur á að nær hvergi í heim­inum sé minna eftir af villtri nátt­úru en einmitt í Bret­landi. „Það áhrifa­mesta sem við getum gert er að draga úr neyslu okkar og velja að eign­ast minni fjöl­skyldu – val sem hund­ruð millj­ónir kvenna í heim­inum hafa ekki.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár