Olíufélag greinir frá risagróða

Stríðið gegn Íran skapar stökk­breyttan hagnað fyrir olíu­fram­leið­endur.

Forstjóri BP
For­stjóri BP Banda­ríkja­konan Meg O'Neill reyndi að draga úr lofts­lagstengdri upp­lýs­inga­gjöf eftir að hún tók við starfi for­stjóra BP. Hér ræðir hún áhrif lok­unar Hor­mússunds á hag­kerfið á skrif­stofu breska for­sæt­is­ráð­herr­ans í Downing-stræti 10 í London. Mynd: AFP

Breski orkuris­inn BP til­kynnti í dag um mikla hagn­að­ar­aukn­ingu á fyrsta árs­fjórð­ungi þar sem hrá­ol­íu­verð hækk­aði mikið í kjöl­far stríðs­ins í Mið-Aust­ur­löndum.

Olíuverð hefur hækkað frá því að stríð Banda­ríkj­anna og Ísraels gegn Íran hófst 28. febr­úar og hefur oft sveifl­ast mikið vegna síbreyti­legra frétta af stríð­inu.

Hagnaður BP eftir skatta jókst í 3,8 millj­arða dala (466 millj­arða króna) á tíma­bil­inu jan­úar–mars úr 687 millj­ónum dala (84 millj­örðum króna) á sama tíma­bili árið áður, að því er fram kom í afkomutil­kynn­ingu frá BP sem er skráð í kaup­höll­inni í London.

Und­ir­liggj­andi hagn­aður, sem fylgst er náið með, meira en tvö­fald­að­ist í 3,2 millj­arða dala úr 1,4 millj­örðum dala árið áður, en sú tala „end­ur­speglar ein­stakt fram­lag frá olíu­við­skiptum“, sagði í yfir­lýs­ing­unni.

„Á heild­ina litið gengur rekstur okkar vel. Þetta var annar árs­fjórð­ungur með sterkri rekstrar- og fjár­hags­legri afkomu og við náðum frek­ari árangri í átt að mark­miðum okkar fyrir árið 2027,“ sagði Meg O'Neill for­stjóri, sem var ráðin í lok síð­asta árs til að taka við af Murray Auchincloss.

Sam­stæðan hafði til­kynnt um miðjan apríl að hún bygg­ist við að hagn­ast á hækk­andi olíu­verði og benti á að verð á Brent-Norð­ursjáv­ar­olíu, alþjóð­legu við­miði, hafi að með­al­tali verið 81,13 dalir á tunnu á fyrsta árs­fjórð­ungi, sam­an­borið við 63,73 dali á fjórða árs­fjórð­ungi síð­asta árs.

Olíuverð hefur verið óstöðugt vegna stríðs­ins og fór nálægt 120 dölum á tunnu í mars, nokkuð sem BP hagn­að­ist vel á.

Fyr­ir­tækið sagði um miðjan apríl að hver eins dals breyt­ing á verði olíu­tunnu hefði 340 millj­óna dala áhrif á árlegan rekstr­ar­hagnað þess fyrir skatta.

BP „hefur unnið sleitu­laust að því að halda eignum okkar í öruggri, áreið­an­legri og skil­virkri fram­leiðslu“ á sama tíma og unnið er „í umhverfi átaka og flók­inna aðstæðna,“ sagði O'Neill.

Banda­ríski for­stjór­inn tók við starfi sínu í byrjun apríl með það verk­efni að hrinda í fram­kvæmd end­ur­reisn­ar­á­ætlun fyrir sam­stæð­una sem átti í erf­ið­leikum, en hagn­aður hennar eftir skatta árið 2025 dróst saman um 86 pró­sent á milli ára og nam 55 millj­ónum dala.

„Einfaldara, sterkara“

Afkoma BP hefur almennt verið lak­ari en keppi­nauta þess á und­an­förnum árum og á síð­asta ári gerði fyr­ir­tækið breyt­ingar á stjórn sinni eftir að hafa skorið niður fjár­fest­ingar í hreinni orku og snúið sér aftur að arð­bær­ari olíu- og gasvið­skiptum sínum.

O'Neill ætlar að end­ur­skipu­leggja fyr­ir­tækið og aðskilja greini­lega vinnslu- og dreif­ing­ar­starf­semi þess.

Markmið hennar er að gera BP að „ein­fald­ara, sterkara og verð­mæt­ara fyr­ir­tæki,“ sagði hún í dag.

„Nú verðum við að nýta þau tæki­færi sem eru til staðar í eigna­safni okkar, ein­falda vinnu­brögð okkar, opna fyrir vöxt og auka arð­semi,“ bætti hún við.

Nýi for­stjór­inn fékk harða ádrepu frá hlut­höfum í síð­ustu viku á aðal­fundi þar sem þeir höfn­uðu að mestu tveimur til­lögum stjórn­ar­innar sem skrefi aftur á bak í gagn­sæi, sér­stak­lega varð­andi lofts­lags­stefnu.

Ein til­lagan mið­aði að því að fella úr gildi tvær álykt­anir sem sam­þykktar voru á fyrri aðal­fundum, sem skyld­uðu BP til að birta til­teknar lofts­lagstengdar upp­lýs­ingar.

Hin var ætluð til að heim­ila að hlut­hafa­fundir yrðu ein­göngu haldnir á net­inu.

Stjórn­ar­for­maður BP, Albert Manifold, sem tók við emb­ætti 1. októ­ber, mætti einnig mót­byr þar sem um 18 pró­sent hlut­hafa greiddu atkvæði gegn kjöri hans.

Kjósa
10
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (2)

Skráðu þig inn til að skrifa athugasemd eða kjósa.
  • PB
    Peik Bjarnason skrifaði
    Lausnin er að taka upp skömtunarkerfi á olíu frekar en að láta efnahag kaupenda ráða för.
    0
  • Greg Hill skrifaði
    Guði sé lof að olíufélögin eru í lagi: Ég hef verið svo áhyggjufullur út af þeim.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Íransstríðið

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár