21. júní 2019 Við get­um því val­ið að láta sem ekk­ert sé, lát­ið sem það snerti okk­ur ekki, hafi ekki áhrif á líf okk­ar og sam­fé­lag, en við vit­um samt að það er blekk­ing. At­laga að frelsi fjöl­miðla er at­laga að okk­ur öll­um.

24. maí 2019 Við ætl­uð­um okk­ur það kannski ekki en fram­tíð­ar­sýn­in sem við skild­um eft­ir okk­ur fyr­ir næstu kyn­slóð­ir er ansi myrk. Við höf­um enn tæki­færi til að breyta henni, en ís­lensk­ir stjórn­mála­menn hafa líka séð tæki­fær­in til að hagn­ast á ógn­inni. Nú stönd­um við frammi fyr­ir ákvörð­un, á tíma þeg­ar það þyk­ir „gróða­væn­legt að láta jörð­ina fara til hel­vít­is“.

24. apríl 2019 Einu sinni höfðu flest­ir íbú­ar í mið­bæn­um út­sýni yf­ir haf­ið. Þar til Skugga­hverf­ið reis á ár­un­um fyr­ir hrun, há­hýsa­þyrp­ing með lúxus­í­búð­um við sjó­inn, sem skyggði á út­sýn­ið fyr­ir alla nema þá sem gátu greitt fyr­ir það. Þannig varð Skugga­hverf­ið tákn­mynd vax­andi ójöfn­uð­ar og stétt­skipt­ing­ar í ís­lensku sam­fé­lagi.

5. apríl 2019 Sigrún Pálína Ingvars­dótt­ir er fall­in frá. Henn­ar verð­ur minnst með þakk­læti fyr­ir hug­rekki, þraut­seigju og bar­áttu­vilja.

8. mars 2019 Við höf­um heyrt sög­ur þeirra sem lifa á lægstu laun­um á Ís­landi, þeirra sem sinna ræst­ing­um og starfa á hót­el­um. Það hvernig ræsti­tækn­ir hrökkl­að­ist inn í ræsti­komp­una með sam­lok­una sína í há­deg­is­matn­um. Þess­ar sög­ur end­ur­spegl­ar van­virð­ing­una sem þetta fólk mæt­ir gjarna í ís­lensku sam­fé­lagi. Hér hef­ur ver­ið byggt upp sam­fé­lag þar sem fólk í fullu starfi flýr af leigu­mark­aði í iðn­að­ar­hús­næði og börn sitja föst í fá­tækt, á með­an skatt­kerf­ið þjón­ar hinum rík­ustu, sem auka tekj­ur sín­ar hrað­ar en all­ir aðr­ir.

25. janúar 2019 Það sem við lærð­um af bisk­ups­mál­inu er þetta: Kon­urn­ar voru tald­ar ótrú­verð­ug­ar, veg­ið var að and­legri heilsu þeirra og ásetn­ing­ur­inn sagð­ur ann­ar­leg­ur. Þeir sem tóku af­stöðu voru kall­að­ir of­stæk­is­fólk og mál­ið var þagg­að nið­ur. Hljóm­ar kunnu­lega? Þessi mál­flutn­ing­ur hef­ur ver­ið end­ur­tek­inn í hverju mál­inu á fæt­ur öðru, nú síð­ast átti að af­skrifa frá­sagn­ir sjö kvenna með því að dótt­ir manns­ins væri geð­veik.

8. desember 2018 Ef fram­ganga kjör­inna full­trúa sam­ræm­ist ekki sið­ferð­is­leg­um gild­um okk­ar, stönd­um við frammi fyr­ir sömu spurn­ingu og varp­að var fram í sam­tali þing­manna á hót­el­barn­um á Klaustri: Vilj­um við vera föst í þessu of­beld­is­fulla hjóna­bandi?

9. nóvember 2018 Sví­virð­ing­arn­ar dynja á kon­um sem sýna reiði. Skila­boð­in eru skýr, ekki reið­ast, um­fram allt ekki tjá þá reiði. En stund­um er reiði rök­rétt við­bragð við rang­læti og drif­kraft­ur breyt­inga.