Segja Steingrím hafa reynt að misnota neyðarástand og ljúga í fjölmiðlum

Tveir þing­menn Pírata segja að Stein­grímur J. Sig­fús­son, for­seti Alþingis, sé að ljúga upp á stjórn­ar­and­stöð­una í fjöl­miðlum og vísa þar í við­tal við hann á mbl.is. Þar sagði Stein­grímur meðal ann­ars að stjórn­ar­and­staðan hefði not­fært sér aðstæður á Alþingi í morgun „til þess að geta farið í mik­inn slag og það er að mínu mati mjög veik máls­ástæða – afar veik máls­ástæða.“

[links]Jón Þór Ólafs­son, þing­maður Pírata, gagn­rýndi Stein­grím harð­lega í pontu á Alþingi í upp­hafi þing­fundar í dag fyrir að halda dag­skrá þings­ins áfram þrátt fyrir sam­komu­bann. Stjórn­ar­and­staðan benti á að á dag­skrá væru umdeild mál rík­is­stjórn­ar­innar sem þyrftu umræðu og vildu þing­menn innan hennar meina að Stein­grímur væri að mis­nota aðstæður til að koma málum rík­is­stjórn­ar­innar í gegn. Það mál á dag­skránni sem vakti mesta reiði var frum­varp Sig­urðar Inga Jó­hanns­son­ar, sam­göngu- og sveit­ar­stjórn­ar­ráð­herra, um vega­fram­kvæmd­ir.

Stein­grímur sleit í kjöl­farið þing­fund­inum án þess að óund­ir­búnar fyr­ir­spurnir til ráð­herra færu fram og að fyr­ir­liggj­andi mál sem voru á dag­skrá yrðu tekin fyrir.

[adspot]Helgi Hrafn Gunn­ars­son, þing­maður Pírata, deilir við­tali mbl.is við Stein­grím á Facebook og skrifar:„Ósvífnin i sögu­skýr­ingum for­seta hefur náð nýjum hæðum. Hann veit mæta­vel hvað gerð­ist. Hann reyndi að mis­nota neyð­ar­á­standið sem núna ein­kennir þing­störfin til þess að láta mál rík­is­stjórn­ar­innar renna mjúk­lega í gegn og inn í nefnd, vit­andi mæta­vel að þing­menn ættu erf­ið­ara með, og sé jafn­vel ómögu­legt, að sinna sínu aðhalds­hlut­verki - nema auð­vitað með því að fjöl­menna niðri á þingi, gegn öllum góðum ráðum og almennri skyn­semi. Það sem svíður hins­vegar ennþá meira er botn­laus óheið­ar­leik­inn í sögu­skýr­ingum for­seta í fjöl­miðlum. Það er ekk­ert minna en lygi að stjórn­ar­and­staðan beri nokkra ein­ustu ábyrgð á því að ekki hafi verið haldnar óund­ir­búnar fyr­ir­spurnir eða umræða um störf þings­ins.“

Þór­hildur Sunna Ævars­dóttir, sam­flokks­kona Helga, tók í sama streng í stöðu­upp­færslu á Facebook. Þar sagð­ist hún hafa „upp­lifað ýmsa óheið­ar­lega og ömur­lega taktík af hálfu þing­for­seta í gegnum tíð­ina.[...]En að hann skuli dirfast að ljúga við­stöðu­laust upp á stjórn­ar­and­stöð­una í fjöl­miðlum, áður en hann lætur svo lítið en að svara beiðni þeirra um fund eftir dramakast dags­ins í dag, finnst mér virki­lega ömur­legt. Þessi fram­koma er svo yfir­gengi­lega óheið­ar­leg af hálfu for­seta að hann hefur slegið nýtt met.“