14. ágúst 2024 Tutt­ugu og tvær um­sókn­ir hafa borist þjóð­kirkj­unni vegna fjög­urra prestakalla þar sem aug­lýst er eft­ir prest­um til þjón­ustu. Á vef kirkj­unn­ar eru hins veg­ar að­eins birt nöfn átta um­sækj­enda þar sem hinir óska nafn­leynd­ar. Heim­ild til þessa má rekja til breyt­inga á lög­um um þjóð­kirkj­una en sam­kvæmt þeim eru prest­ar ekki leng­ur op­in­ber­ir starfs­menn.

13. ágúst 2024 Látra­bjarg gæti orð­ið einn vin­sæl­asti áfanga­stað­ur lands­ins þann 12. ág­úst ár­ið 2026 er al­myrkvi á sólu, sá fyrsti sem sést hér á landi frá ár­inu 1954, mun eiga sér stað. Ástæð­an fyr­ir mögu­leg­um vin­sæld­um Látra­bjargs á þess­um degi er sú að lengd myrkv­ans verð­ur þar mest á land­inu.

13. ágúst 2024 Björk Eiðs­dótt­ir var að stíga sín fyrstu skref í blaða­mennsku þeg­ar hún tók við­tal við konu sem lýsti starfi sínu á Gold­fin­ger og öðr­um dans­stöð­um; neyslu fíkni­efna sem hófst með nekt­ar­dans­in­um og hót­un­um sem hún hafði orð­ið fyr­ir í tengsl­um við starf­ið. Við­tal­ið átti eft­ir að draga dilk á eft­ir sér en Björk var dæmd fyr­ir orð við­mæl­and­ans. Síð­ar komst MDE að þeirri nið­ur­stöðu að með dómn­um hefði brot­ið gegn tján­ing­ar­frelsi henn­ar sem blaða­manns.

12. ágúst 2024 Heim­ir Hann­es­son hef­ur ver­ið ráð­inn tíma­bund­inn sam­skipta­stjóri þjóð­kirkj­unn­ar. „Mark­mið­ið næsta ár­ið hjá mér er að búa til strúkt­úr ut­an um sam­skipta­mál kirkj­unn­ar þannig að við get­um bet­ur kom­ið þessu mik­il­væga starfi til skila til al­menn­ings,“ seg­ir hann. Sam­skipta­stjór­inn kynnt­ist ný­kjörn­um bisk­up í að­drag­anda kosn­inga­bar­áttu henn­ar, en hann að­stoð­aði við hana í sjálf­boð­a­starfi.

12. ágúst 2024 Formað­ur Rit­höf­unda­sam­bands­ins seg­ir að ís­lensk­ir höf­und­ar vilji gjarn­an að hljóð­bæk­ur þeirra séu að­gengi­leg­ar á Raf­bóka­safn­inu en að út­gef­end­ur eigi oft­ast hljóð­bóka­rétt­ind­in.

10. ágúst 2024 Ís­lensku­kenn­ar­arn­ir Guð­rún Árna­dótt­ir og Þor­gerð­ur Jör­unds­dótt­ir bjugg­ust ekki við því að þurfa að berj­ast fyr­ir rétt­ind­um nem­enda sinna. Í dag eru þær í þeirri stöðu því þeim er mis­boð­ið. Nokkr­ir af fyrr­ver­andi nem­end­um þeirra eru nán­ast al­gjör­lega rétt­inda­laus­ir hér á landi.

9. ágúst 2024 Hóp­ur ástr­alskra vís­inda­manna safn­aði bor­kjörn­um úr Kór­alrif­inu mikla, las í „ár­hringi“ kór­all­anna og komst að slá­andi nið­ur­stöðu.

9. ágúst 2024 Sótt­varn­ar­lækn­ir seg­ir þátt­töku í bólu­setn­ing­um gegn misl­ing­um áhyggju­efni og að 5 smit gætu leitt til far­ald­urs bregð­ist hjarð­ónæmi.

7. ágúst 2024 Þor­vald­ur Þórð­ar­son eld­fjalla­fræð­ing­ur seg­ir yf­ir­gnæf­andi lík­ur á að það byrji að gjósa á Reykja­nesskaga á næstu tveim­ur dög­um. Hann seg­ir að flest bendi til þess að „þak­ið muni rofna á svip­uð­um slóð­um og áð­ur“. Hann tel­ur því ekki hættu á að það byrji inn­an Grinda­vík­ur þó að hraun geti flætt þang­að.

7. ágúst 2024 Set­ið er um vin­sæl­ar bæk­ur hjá Raf­bóka­safn­inu en verk­efn­a­stýra seg­ir jafn­væg­islist að ákveða hvort kaupa eigi inn fleiri titla eða fleiri „ein­tök“ af vin­sæl­um bók­um.

7. ágúst 2024 Þrátt fyr­ir að um­sókn­um venesú­elskra rík­is­borg­ara um hæli hér á landi hafi fækk­að veru­lega á síð­ast­liðnu ári eru hér um 1.200 Venesúela­bú­ar sem bíða svars við um­sókn­um sín­um eða bíða þess að kom­ast úr landi. 590 hafa þeg­ar far­ið sjálf­vilj­ug­ir það sem af er ári.

7. ágúst 2024 Fé­lags­fræð­ing­ur seg­ir Ís­lend­inga nefna lofts­lagskvíða þeg­ar spurt er af hverju fólk velji barn­leysi. Áhyggj­ur af ótryggri fram­tíð spili inn í lækk­andi fæð­ing­ar­tíðni en séu þó ekki megin­á­stæða fyr­ir henni.

6. ágúst 2024 For­sæt­is­ráð­herra Bret­lands hef­ur á ný boð­að til neyð­ar­fund­ar í kvöld vegna óeirð­anna sem breiðst hafa út um land­ið síð­ustu daga. Þær bein­ast gegn hæl­is­leit­end­um og inn­flytj­end­um, einkum mús­lím­um. „Þetta er mjög óhugn­an­legt ástand,“ seg­ir Katrín Snæ­dal Húns­dótt­ir sem býr í ná­grenni Hull. Hún seg­ir þetta al­var­leg­ustu óeirð­ir sem þar hafi geis­að þau 20 ár sem hún hef­ur bú­ið í land­inu.

6. ágúst 2024 „Ráð­herra tel­ur af­ar mik­il­vægt að fólk búi við við­un­andi hús­næð­is­að­stæð­ur. Þær ljós­mynd­ir sem birt­ust með grein­inni sýndu því mið­ur ekki slík­ar að­stæð­ur,“ seg­ir í svari frá fé­lags- og vinnu­mark­aðs­ráðu­neyt­inu þar sem ósk­að var eft­ir við­brögð­um ráð­herra við hvernig að­bún­að­ur fólks sem bjó á áfanga­heim­il­um Betra lífs hef­ur ver­ið, í kjöl­far um­fjöll­un­ar Heim­ild­ar­inn­ar. Vinna stend­ur yf­ir í ráðu­neyt­inu við að kort­leggja hvaða vel­ferð­ar- og fé­lags­leg þjón­usta ætti að vera háð rekstr­ar­leyfi og eft­ir­liti.

6. ágúst 2024 Þrjá­tíu ár eru lið­in frá lög­fest­ingu Mann­rétt­inda­sátt­mála Evr­ópu á Ís­landi. Áhrif sátt­mál­ans á dag­legt líf borg­ar­anna eru mik­il og þeirra gæt­ir víða; á lög­reglu­stöðv­um, í dóms­kerf­inu, á rit­stjórn­um fjöl­miðla, á vinnu­stöð­um og landa­mær­un­um. Áhrif­in eru með­al ann­ars til kom­in vegna dóma sem Mann­rétt­inda­dóm­stóll Evr­ópu hef­ur kveð­ið upp í ís­lensk­um mál­um síð­ustu ára­tugi.