14. febrúar 2022 Rann­sókn­ar­lög­reglu­maður frá Lög­regl­unni á Akureyri er á leið til Reykja­víkur til að yfir­heyra blaða­menn vegna umfjöll­unar þeirra um aðferðir svo­kall­aðrar „skæru­liða­deildar“ Samherja, sem rægði blaða­menn. Lög­reglan veitir blaða­manni Stund­ar­innar stöðu grun­aðs manns og telur umfjöll­un­ina hegn­ing­ar­laga­brot gegn frið­helgi einka­lífs­ins sem varðar allt að eins árs fang­elsi.

14. febrúar 2022 Þor­steinn Már Bald­vins­son, for­stjóri Samherja, segir ný gögn liggja fyrir í skaða­bóta­máli sínu gegn Seðla­bank­anum. Áfrýjun Seðla­banka Íslands í máli hans var tekin til með­ferðar í Lands­rétti dag en for­stjór­inn hafði betur í hér­aði. „Ég held að þú hljótir að gera þér grein fyrir því að ég vil ekki tala við þig,“ sagði hann við Stundina í Lands­rétti í dag.

14. febrúar 2022 Rúmur helm­ingur íslenskra fast­eigna­lána er óverð­tryggður og þar af eru 700 millj­arðar lán með breyti­legum vöxtum. Neyt­endur skulda þá ríf­lega 500 millj­arða króna í önnur neyt­enda­lán en sú upp­hæð er ekki tæm­andi.

13. febrúar 2022 Á milli 300 og 400 þús­und eld­is­laxar hafa drep­ist í sjó­kvíum Arctic Fish í Dýra­firði síð­ustu vik­urnar. Eigandi fyr­ir­tæk­is­ins, norska eld­is­fyr­ir­tækið Norway Royal Salmon, sendi frá sér til­kynn­ingu vegna þessa í gær. Til­kynn­ingin kom í kjöl­far þess að myndir voru birtar af dauðu löx­unum. Laxa­dauð­inn mun hafa áhrif á árs­af­komu og slát­ur­tölur fyr­ir­tæk­is­ins.

13. febrúar 2022 Sterk félags­leg og efn­hags­leg staða kemur ekki í veg fyrir að áföll fylgi konum úr barn­æsku fram á full­orð­insár. Þetta er meðal þess sem fram kemur í nýrri íslenskri rann­sókn um áfalla­sögu kvenna. „Þetta sýnir okkur hvað þetta er krítískur tími um mótun heilsu­fars til lengri tíma,“ segir Unnur A. Vald­irmars­dóttir, pró­fessor við HÍ.

13. febrúar 2022 María Rún Bjarna­dóttir, verk­efna­stjóri gegn staf­rænu kyn­ferð­is­of­beldi hjá rík­is­lög­reglu­stjóra, segir að staf­rænum kyn­ferð­is­of­beld­is­brotum fari fjölg­andi á Íslandi. Með nýrri lög­gjöf sem var sam­þykkt árið 2021 voru slík brot gerð refsi­verð en sam­kvæmt henni geta hvorki lögin né lög­reglan komið í veg fyrir að að baki þeim búi rót­gróin kven­fyr­ir­litn­ing sem sam­fé­lagið í heild sinni þurfi að takast á við.

12. febrúar 2022 Starfs­menn á skrif­stofu Eflingar lýsa van­líðan og kvíða yfir mögu­leik­anum á að Sólveig Anna Jóns­dóttir verði aftur kjörin for­maður. Starfs­á­nægjukann­anir á skrif­stof­unni sýna hins vegar almenna ánægju starfs­fólk allt síð­asta ár. Starfs­manna­fundur í októ­ber varð hins vegar til þess að 90 pró­sent starfs­manna fann fyrir van­líðan. Stundin rekur sög­una um átökin innan Eflingar, sem virð­ast aðeins að litlu leyti hverf­ast um for­mann­inn fyrr­ver­andi.

11. febrúar 2022 Myndir sem teknar voru á Þingeyri í gær sýna laxa­dauð­ann sem fyr­ir­tækið Arctic Fish glímir við þar í kjöl­far veð­urs­ins sem geisað hefur á Vest­fjörðum. Fjölmörg kör af mis­mun­andi illa förnum og sund­ur­tættum eld­is­laxi eru tæmd í norskt skip sem vinnur dýra­fóður úr eld­is­lax­inum. Arctic Fish hefur sagt að laxa­dauð­inn í sjó­kvíum fyr­ir­tæk­is­ins kunni að nema 3 pró­sentum en ljóst er að hann er miklu meiri en það.

10. febrúar 2022 Tals­verður laxa­dauði hefur verið í eld­iskvíum Arctic Fish í Dýra­firði vegna vetr­ar­kulda síð­ustu vikur. Daníel Jak­obs­son, starfs­maður Arctic Fish, segir að afföllin séu meiri en þau 3 pró­sent sem fyr­ir­tækið gerði ráð fyrir. Skip frá norska fyr­ir­tæk­inu Hordafor hefur verið notað til að vinna dýra­fóður úr dauð­lax­inum.

10. febrúar 2022 Arion banki hyggst opna aftur kís­il­verk­smiðj­una í Helguvík sem hefur verið lokuð í tæpt ár. Allir bæj­ar­full­trúar í Reykja­nesbæ hafa lýst sig and­víga opn­un­inni og 350 athuga­semdir bár­ust frá íbúum í bænum. Guð­brandur Ein­ars­son', bæj­ar­full­trúi og þing­maður VIð­reisnar, lýsir áhrifum verk­smiðj­unnar á heilsu­far sitt og útskýrir hvers vegna má ekki opna hana aftur.

10. febrúar 2022 Háskóla-, iðn­aðar- og nýsköp­un­ar­ráðu­neytið var form­lega stofnað klukku­stundum áður en það átti að taka til starfa. Ráðherra setti verk­efn­is­stjóra við und­ir­bún­ing stofn­unar þess sem ráðu­neyt­is­stjóra án aug­lýs­ingar og vísar í lög um látna emb­ætt­is­menn því til stuðn­ings.

9. febrúar 2022 Líklegt er að greiðslur af óverð­tryggðum hús­næð­is­lánum með breyti­lega vexti hækki strax um tugi þús­unda á mán­uði eftir að Seðla­bank­inn hækk­aði meg­in­vexti.

9. febrúar 2022 Ný könnun sýnir að færra fólk telur að umræða um #metoo sé jákvæð fyrir íslenskt sam­fé­lag en áður. Tölu­verður munur er á afstöðu kvenna og karla en 20 pró­sent karla telja umræð­una nei­kvæða á móti 11 pró­sentum kvenna.

8. febrúar 2022 Séra Gunnar Sig­ur­jóns­son, sókn­ar­prestur við Digranes- og Hjalla­presta­kall, var ekki sendur í leyfi vegna sam­starfsörð­ug­leika heldur vegna ásakanna um kyn­ferð­is­legt áreiti, kyn­bundið ofbeldi og ein­elti.

8. febrúar 2022 Aðkoma dóms­mála­ráð­herra Sjálf­stæð­is­flokks­ins að skip­unum Ólafs Barkar Þor­valds­sonar og Jóns Steinars Gunn­laugs­sonar í emb­ætti hæsta­rétt­ar­dóm­ara er til umfjöll­unar í nýrri bók um sögu Hæsta­réttar Íslands í hund­rað ár. Hæsti­réttur Íslands gefur bók­ina út en í rit­nefnd hennar sátu meðal ann­ars fyrr­ver­andi dóm­arar við Hæsta­rétt.

7. febrúar 2022 Kona úr hópi erlendra náms­manna sem sett­ist á Kaffi­vagn­inn hljóp út grát­andi vegna mis­mun­unar. Kennari við Háskóla Íslands til­kynnti málið til Vinnu­eft­ir­lits­ins. Eig­and­inn segir þetta ósatt.