Íslensk stjórn­völd drógu lapp­irnar um margra ára skeið þegar kom að því að bregð­ast við athuga­semdum frá FATF, alþjóð­legum starfs­hópi um aðgerðir gegn pen­inga­þvætti og fjár­mögnun hryðju­verka. 

Í frétt RÚV frá því í lok febr­úar árið 2015 var greint frá því að sam­kvæmt minn­is­blaði Ólafar Nordal heit­innar, þáver­andi inn­an­rík­is­ráð­herra, ættu stjórn­völd enn eftir að bregð­ast við ítrek­uðum og alvar­legum athuga­semdum starfs­hóps­ins frá árinu 2006.

Í minn­is­blað­inu sagð­ist Ólöf ætla að stofna form­legan stýri­hóp um aðgerðir gegn pen­inga­þvætti og fjár­mögnun hryðju­verka sem hefði það hlut­verk að gera til­lögur til stjórn­valda um úrbætur til sam­ræmis við til­mæli FATF á hverjum tíma. Jafn­framt yrði stýri­hóp­ur­inn stjórn­völdum til ráð­gjafar í mál­efnum tengdum aðgerðum gegn pen­inga­þvætti, fjár­mögnun hryðju­verka og fryst­ingu fjár­muna.

Sautján manna stýrihópur

Stýri­hóp­ur­inn var skip­aður í byrjun maí 2015 og for­maður hans var Hildur Dungal lög­fræð­ingur, sem starf­aði á þeim tíma í inn­an­rík­is­ráðu­neyt­inu. Í hópnum sátu upp­haf­lega sjö manns og bætt­ist einn við …