Bergþór Ólason, þing­maður Mið­flokks­ins, kallar Ingu Sæland, for­mann Flokks fólks­ins „húrr­andi klikk­aða kuntu“ á hljóð­upp­töku sem Stundin hefur undir höndum.

„Hún er fokk­ing tryllt,“ sagði Bergþór við Karl Gauta Hjalta­son og Ólaf Ísleifs­son, þing­menn Flokks fólks­ins, í við­ur­vist flokks­fé­laga sinna, Sig­mundar Davíðs Gunn­laugs­sonar, Önnu Kol­brúnar Árna­dóttur og Gunnars Braga Sveins­sonar á Klaustur bar 20. nóv­em­ber síð­ast­lið­inn.

„Hún er fokk­ing tryllt. Komið til okkar.“

Þing­menn­irnir sátu þar að drykkju og ræddu hugs­an­leg skipti Ólafs og Karls Gauta yfir í Mið­flokk­inn. Sam­skiptin áttu sér stað í vitna við­ur­vist og náð­ust orða­skiptin á upp­töku.

„Mig langar alveg óskap­lega mikið til þess að vinna nánar með ykkur en við erum búnir að vinna, sem hefur verið mjög gott,“ sagði Bergþór. „Ég held að staða ykkar tveggja verði miklu mun traust­ari innan Mið­flokks­ins heldur en hún verður innan Flokks fólks­ins þegar kemur að næstu kosn­ingum. Ég er bara að biðja ykkur um að hugsa um þetta, því í mínum huga er eig­in­lega alveg öruggt að þið verðið áfram þing­menn fyrir Flokk fólks­ins í næstu kosn­ingum.

En þetta snýst allt um, og ég held við séum öll í þessum slag til að láta gott af okkur leiða, og það eru miklu meiri líkur til þess að það ger­ist undir merkjum Mið­flokks­ins heldur en Flokks fólks­ins af því að þið eruð með þessa húrr­andi klikk­uðu kuntu sem for­mann Flokks fólks­ins, sem þið ráðið ekk­ert við. Þið ráðið ekk­ert við hana. Segið mér ef ég hef rangt fyrir mér. Ég mundi ekki ráða við hana, Sig­mundur mundi ekki. Hún er fokk­ing tryllt. Komið til okkar.“

Ekki náð­ist í Bergþór við vinnslu frétt­ar­innar.