Tæplega 11 millj­arða króna hlutafé af rúm­lega 13 millj­arða króna hlutafé í fisk­eldi á Íslandi er í eigu erlendra fyr­ir­tækja. Um er að ræða ríf­lega 84 pró­sent af öllu hlutafé tíu íslenskra fisk­eld­is­fyr­ir­tækja. 

Að lang­mestu leyti er um að ræða hlutafé frá norskum lax­eld­is­fyr­ir­tækjum sem fjár­fest hafa í íslenskum lax­eld­is­fyr­ir­tækjum sem stunda sjó­kvía­eldi, Arn­ar­laxi og Arctic fish ehf. á Vest­fjörðum. Af 10.442 millj­óna króna hlutafé þess­ara tveggja fyr­ir­tækja eru 10.296 millj­ónir í eigu erlendra aðila en ein­ungis 146 millj­ónir í eigu íslenskra aðila. Þetta kemur fram við athugun Stund­ar­innar á hluta­fjár­eign þeirra 10 fisk­eld­is­fyr­ir­tækja sem starfs­hópur Þor­gerðar Katrínar Gunn­ars­dóttur, sjáv­ar­út­vegs- og land­bún­að­ar­ráð­herra, fjall­aði um í skýrslu sem hann skil­aði af sér nú í ágúst. 

Auk þess­ara tveggja stóru og hluta­fjár­sterku lax­eld­is­fyr­ir­tækja eru tvö önnur lax­eld­is­fyr­ir­tæki sem sér­hæfa sig í sjó­kvía­eldi á lax­fiskum í rúm­legri meiri­hluta­eigu norskra lax­eld­is­fyr­ir­tækja. Þetta eru Fiskeldi Aust­fjarða hf. og Laxar Fiskeldi hf. Eina fyr­ir­tækið í sjó­kvía­eldi …