Heimsminjar í hættu fá flýtimeðferð hjá Sameinuðu þjóðunum

Sam­ein­uðu þjóð­irnar stefna að því að bæta nýjum stöðum á hættu­lista yfir heims­verð­mæti vegna stríðs­á­taka og lofts­lags­breyt­inga. Þar á meðal eru sögu­slóðir Bibl­í­unnar, líbanskir kast­alar, far­vegir anti­lópa og dýpsta stöðu­vatn heims.

Frá og með lokum næstu viku munu 196 aðild­ar­ríki Menn­ing­ar­mála­stofn­unar Sam­ein­uðu þjóð­anna (UNESCO) greiða atkvæði um nýjar við­bætur á heimsminja­skrá sína og heimsminja­skrá í hættu þegar þau koma saman í Busan í Suður-Kóreu.

„Við höfum kannski ekki burði til að senda frið­ar­gæslu­liða ... en við getum sent skila­boð til alls heims­ins,“ sagði Lazare Eloundou Assomo, for­stöðu­maður Heimsminja­mið­stöðvar UNESCO, við frétta­stofu AFP.

„Þessir staðir eru mik­il­vægir og allt verður að gera til að koma í veg fyrir eyði­legg­ingu þeirra.“

Að vernda „menn­ing­ar­arf­leifð gerir sam­fé­lögum sem hafa orðið fyrir áföllum, fórn­ar­lömbum átaka, kleift að byrja aftur og end­ur­byggja,“ bætti hann við.

Um 1.200 staðir um allan heim eru á heimsminja­skrá UNESCO.

Að kom­ast á …