Pálmi Ingólfsson, fyrrverandi skólastjóri og bæjarfulltrúi, var einn þeirra Grindvíkinga sem kvaddi sér hljóðs á borgarafundinum sem efnt var til í vikunni. Þar vakti hann athygli á því í hvaða stöðu þeir fasteignaeigendur eru sem hefðu strax í nóvember setið uppi með ónýt hús. Reynsla þeirra af því að fá tjón sín bætt í samræmi við rétt þeirra og yfirlýsingar stjórnvalda um skjót viðbrögð, væri önnur og verri. Hann óttaðist að úr því þau mál væru enn óútkljáð, yrði bið þeirra hundraða sem fyrirsjáanlega yrði í sömu stöðu, enn lengri. 

Pálmi settist niður með blaðamanni Heimildarinnar að loknum fundinum og samþykkti að fara yfir reynslu sína. Hann segir það hafa verið vonbrigði að sjá og heyra forsvarsmenn og ráðherra ríkisstjórnarinnar tala á borgarafundinum eins og veruleikinn væri allt annar en blasti við Grindvíkingum og sérfræðingum sem töluðu á fundinum. Stjórnvöld væru í raun að halda á lofti von sem væri …