Ákvörðun Alþingis um að hækka eignaskerðingarmörk vaxtabóta um 50 prósent frá 1. janúar síðastliðnum gerði það að verkum að 6.912 heimili fengu vaxtabætur í ár sem hefðu annars ekki fengið þær.
Þungi hins aukna stuðnings rann til millitekjufólks sem á húsnæði en þau 20 prósent heimila sem eru með hæstu tekjurnar fengu einungis 3,3 prósent hans. Þá skilaði stuðningurinn sér mest til yngri húsnæðiseigenda. „Aldurshópurinn 26 til 35 ára fékk 46,7 prósent af auknum stuðningi og alls fengu fyrstu þrír aldurshóparnir 78,7 prósent af honum.
Meðalábati þeirra sem fengu vaxtabætur vegna hækkunar neðri marka eignaskerðingarmarka nam 106 þúsund krónum og meðalábati þeirra sem nutu hækkunar vegna efri marka eignaskerðingar nam 95 þúsund krónum. Kostnaður ríkissjóðs vegna breytinganna er áætlaður 1.154 milljónir króna.
Þetta kemur fram í endurskoðuðu svari Bjarna Benediktssonar fjármála- og efnahagsráðherra við fyrirspurn Jóhanns Páls Jóhannssonar, þingmanns Samfylkingarinnar, um málið.
Svarið birtist fyrst á vef Alþingis 8. …
Athugasemdir